റാന്നി: മന്ദിരം- വടശ്ശേരിക്കര റോഡിൽ സബ് സ്റ്റേഷൻ പടിയിൽ മിനിപിക്കപ്പ് വാൻ വൈദ്യൂതി തൂണിലേക്ക് ഇടിച്ച് കയറിയുണ്ടായ അപകടത്തിൽ യുവാവിന് പരിക്കേറ്റു. അങ്ങാടി ഉന്നക്കാവ് പള്ളിനാടിയിൽ ടിൻ്റുമോൻ( 37) ന് കാലിന് ഗുരുതരമായി പരിക്കേറ്റതതിനെ തുടർന്ന് കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റി. വാഹനത്തിൽ ഉണ്ടായിരുന്ന മറ്റ് രണ്ട് പേർക്കും പരിക്കുകളില്ല
ഇടിയുടെ ആഘാതത്തിൽ ടിൻ്റുമോൻ്റെ കാൽ വാഹനത്തിൽ കുടുങ്ങിയതിനെ തുടർന്ന് റാന്നിയിൽ നിന്നും ഫയർഫോഴ്സ് എത്തി വാഹനത്തിന്റെ ഡോർ വെട്ടി പൊളിച്ച് ടിൻ്റുവിനെ പുറത്തെടുത്തത്.
റാന്നിയിൽ നിന്നും വടശ്ശേരിക്കര ഭാഗത്തേക്ക് പോകുമ്പോൾ ശനിയാഴ്ച വൈകിട്ട് മൂന്നരയോടെ കെ.എസ്.ഇ.ബി. സബ് സ്റ്റേഷനു മുമ്പിൽ നീയന്ത്രണം വിട്ട് അപകടം ഉണ്ടായത്. തുടർന്ന് ഫയർഫോഴ്സും റാന്നി പോലീസും നാട്ടുകാരും ചേർന്നാണ് രക്ഷാപ്രവർത്തനവും, ഗതാഗത ക്രമീകരണവും നടത്തിയത്.
