ലക്നൗ : വീണ്ടും ട്രെയിൻ അട്ടിമറി ശ്രമം.ട്രാക്കിൽ സിലിണ്ടർ കണ്ടതിനെത്തുടർന്ന് ലോക്കോ പൈലറ്റ് ട്രെയിൻ നിർത്തിയതിനാൽ വൻ ദുരന്തം ഒഴിവായി. ഉത്തർപ്രദേശിലെ കാൺപൂരിലെ ദേഹത് ജില്ലയിലെ റെയിൽവേ ട്രാക്കിലാണ് സംഭവം.
ഞായറാഴ്ച പുലർച്ചെ പാളത്തിൽ സിലിണ്ടർ കണ്ടതോടെ ലോക്കോ പൈലറ്റ് എമർജൻസി ബ്രേക്കിട്ട് ഗുഡ്സ് ട്രെയിൻ നിർത്തി. പിന്നാലെ കൺട്രോൾ റൂമിൽ വിവരം അറിയിക്കുകയായിരുന്നു.അഞ്ചു കിലോയുടെ കാലി സിലിണ്ടറായിരുന്നുവെന്ന് റെയിൽവേ പോലീസ് അറിയിച്ചു .അന്വേഷണം തുടരുകയാണ് .
ഈ മാസം ആദ്യവും ട്രാക്കിൽ വച്ചിരുന്ന എൽപിജി സിലിണ്ടർ പ്രയാഗ്രാജ് – ഭിവാനി കാളിന്ദി എക്സ്പ്രസ് ഇടിച്ചു തെറുപ്പിച്ചിരുന്നു.രാജസ്ഥാനിൽ കഴിഞ്ഞ മാസം ട്രാക്കിൽ നിന്ന് 70 കിലോ ഭാരം വരുന്ന സിമൻ്റ് കട്ടയും കണ്ടെത്തിയിരുന്നു.
