കോഴിക്കോട് : കേരളതീരത്ത് ചരക്കുകപ്പലിന് തീപിടിച്ചു. കൊളംബോയിൽ നിന്നു മുംബൈയിലേക്ക് പോയ വാൻഹായ് 503 എന്ന ചരക്കു കപ്പലിലാണ് ബേപ്പൂരില് നിന്ന് 145 കിലോമീറ്ററോളം അകലെ വച്ച് തീപിടിച്ചത് .കപ്പലില് പൊട്ടിത്തെറികള് ഉണ്ടായി .
രാവിലെ ഒൻപതരയോടെയാണ് തീപിടിത്തമുണ്ടായത്.22 ജീവനക്കാർ കപ്പലിൽ ഉണ്ടായിരുന്നു.18 പേരെ രക്ഷപ്പെടുത്തി.ഒരാൾക്ക് ഗുരുതര പരുക്കുണ്ട്. സിംഗപ്പുരിൽ റജിസ്റ്റർ ചെയ്തതാണ് അപകടമുണ്ടായ കപ്പൽ.നിലവിൽ കപ്പൽ മുങ്ങിയിട്ടില്ല. തീപിടിക്കുന്ന അപകടകരമായ വസ്തുക്കൾ കപ്പലിലുണ്ടെന്നാണു വിവരം. രക്ഷാദൗത്യത്തിന് കോസ്റ്റ് ഗാർഡിന്റെ അഞ്ച് കപ്പലുകളും മൂന്ന് വിമാനങ്ങളും രംഗത്തുണ്ട് .
