കെജ്‌രിവാളും കവിതയും കസ്റ്റഡിയിൽ തുടരും

ന്യൂഡൽഹി : മദ്യനയ അഴിമതിക്കേസിൽ അറസ്റ്റിലായ ഡൽഹി മുഖ്യമന്ത്രി അരവിന്ദ് കെജ്‌രിവാളും ബിആർഎസ് നേതാവ് കെ.കവിതയും 14 ദിവസം കൂടി ജുഡീഷ്യൽ കസ്റ്റഡിയിൽ തുടരും. കസ്റ്റഡി കാലാവധി അവസാനിച്ചതോടെ ഇരുവരെയും റൗസ് അവന്യൂ കോടതിയിൽ ഹാജരാക്കുകയായിരുന്നു. ഡൽഹിയിലെ തിഹാർ ജയിലിലാണ് രണ്ടു പേരും ഇപ്പോൾ കഴിയുന്നത്. മാർച്ച് 21നാണു കേജ്‌രിവാൾ അറസ്റ്റിലായത് . മാര്‍ച്ച് 15-നാണ് കവിതയെ ഇ.ഡി. കസ്റ്റഡിയിലെടുത്തത്.