പത്തനംതിട്ട : റാന്നിയിൽ ശക്തമായ മഴയിലും കാറ്റിലും തേക്ക് മരം വീണ് വൈദ്യൂത തൂണ് ഒടിയുകയും ഗതാഗതം തടസപ്പെടുകയും ചെയ്തു . മാമുക്ക് ജംഗഷനു സമീപം ഭാരത് പെട്രോളിയം പമ്പിന് പിന്നിലെ തേക്കാട്ടിൽ പള്ളിപടി റോഡിലാണ് തേക്ക് വീണ് ഗതാഗതം തടസപ്പെട്ടത്. ഇന്ന് ഉച്ചക്ക് ഒരു മണിക്ക് ശേഷം ഉണ്ടായ മഴയോടൊപ്പമുണ്ടായ ശക്തമായ കാറ്റിലാണ് സംഭവം നടന്നത്.
ശക്തമായ കാറ്റിൽ മരം വീണതോടൊപ്പം വൈദ്യുത തൂണും ഓടിഞ്ഞ് നിലംപതിച്ചു. ടൗണിലും പരിസര പ്രദേശത്തുമുണ്ടായ കാറ്റിൽ പലവ്യാപാര സ്ഥാപനങ്ങളുടേയും ബോർഡുകളും നിലംപതിക്കുകയും പറന്ന് പോകുകയും ചെയ്തു.
