ഇസ്ലാമാബാദ് : ഇന്ത്യ മറ്റൊരു യുദ്ധത്തിന് തയാറെടുക്കുകയാണെന്ന് പാക്ക് പ്രസിഡന്റ് ആസിഫ് അലി സർദാരി. പാകിസ്താൻ പാർലമെന്റിന്റെ സംയുക്ത സമ്മേളനത്തെ അഭിസംബോധന ചെയ്യവേയായിരുന്നു സർദാരിയുടെ പരാമർശം. ഇന്ത്യ യുദ്ധത്തിൽനിന്ന് അകന്നു നിൽക്കമെന്നും ചർച്ചകൾക്ക് തയാറാകണമെന്നും സർദാരി ആവശ്യപ്പെട്ടു.
സിന്ധു നദീജല കരാർ നിർത്തിവെച്ച ഇന്ത്യയുടെ തീരുമാനം ഹൈഡ്രോ ടെററിസം ആണെന്നും സർദാരി ആരോപിച്ചു. പാക്ക്–അഫ്ഗാൻ സംഘർഷത്തിൽ ഇന്ത്യയുടെ പിന്തുണയോടെയാണ് അഫ്ഗാന്റെ നീക്കങ്ങളെന്ന് പാകിസ്ഥാൻ ആരോപിച്ചിരുന്നു.
