കണ്ണൂര്‍ : പി.വി.അന്‍വർ എംഎൽഎയ്‌ക്കെതിരെ മുഖ്യമന്ത്രിയുടെ പൊളിറ്റിക്കല്‍ സെക്രട്ടറി പി.ശശി കോടതിയില്‍ ക്രിമിനല്‍ അപകീര്‍ത്തി കേസ് നല്‍കി.കണ്ണൂർ, തലശേരി കോടതികളിലാണ് കേസ് ഫയൽ ചെയ്തത്.പി.വി.അന്‍വറിന് പിന്നില്‍ അധോലോക സംഘങ്ങളുണ്ടെന്നും മുഖ്യമന്ത്രിയെ ലക്ഷ്യമിട്ടാണ് തനിക്കെതിരേ ആരോപണമെന്നും പി.ശശി പറഞ്ഞു.
ആരോപണങ്ങൾ പിൻവലിച്ച് മാപ്പു പറയണമെന്നാവശ്യപ്പെട്ട് കഴിഞ്ഞമാസം അൻവറിനെതിരെ വക്കീൽ നോട്ടിസ് അയച്ചിരുന്നു.നോട്ടിസിനു മറുപടി നൽകാത്ത സാഹചര്യത്തിലാണ് നടപടിയുമായി പി.ശശി മുന്നോട്ട് പോയത്. പി.ശശിക്കെതിരെ അൻവർ ഗുരുതര ആരോപണങ്ങളാണ് വാർത്താസമ്മേളനങ്ങളിൽ ഉന്നയിച്ചിരുന്നത്.
