Monday, June 23, 2025
No menu items!

subscribe-youtube-channel

HomeNewsഗവർണറെ കൊണ്ട്...

ഗവർണറെ കൊണ്ട് കള്ളം പറയിപ്പിച്ച്  സംസ്ഥാന  സർക്കാർ ആത്മ വഞ്ചന നടത്തി: ജോസഫ് എം. പുതുശ്ശേരി

തിരുവല്ല : നയ പ്രഖ്യാപന പ്രസംഗത്തിൽ ഗവർണറെ കൊണ്ട് കള്ളം പറയിപ്പിച്ച്  പിണറായി സർക്കാർ ആത്മ വഞ്ചന നടത്തിയിരിക്കുകയാണെന്ന് കേരളാ കോൺഗ്രസ് വൈസ് ചെയർമാൻ ജോസഫ് എം. പുതുശ്ശേരി.
        
പ്രസംഗത്തിലെ അവകാശവാദങ്ങളത്രയും യാഥാർത്ഥ്യങ്ങളുമായി പുലബന്ധം പോലുമില്ലാത്തതാണ്. എന്നിട്ടും അവ സർക്കാർ നേട്ടങ്ങളുടെ പട്ടികയായി നിരത്തുന്നത് ജനങ്ങളെ വിഡ്ഢികളാക്കുന്നതിനു തുല്യമാണ്.
               
വന്യജീവി ആക്രമണത്തിൽ മനുഷ്യജീവനുകൾ അപായപ്പെടുന്നത് നിത്യ സംഭവമായി മാറിയിരിക്കുന്ന പശ്ചാത്തലത്തിൽ മനുഷ്യ – വന്യജീവി സംഘർഷവും മനുഷ്യനഷ്ടവും കുറഞ്ഞു തുടങ്ങിയെന്ന അവകാശവാദം ആളുകളെ ചിരിപ്പിക്കും . വനം മന്ത്രിക്ക് കേരളത്തിലെ പല ഭാഗങ്ങളിലൂടെയും സഞ്ചരിക്കാൻ കഴിയാത്ത അവസ്ഥാവിശേഷം നിലനിൽക്കുമ്പോഴാണ് ഈ അവകാശവാദം 
25 വർഷത്തേക്ക് ഒരേ നിരക്കിൽ വൈദ്യുതി നൽകാനുള്ള ഉമ്മൻചാണ്ടി സർക്കാർ ഉണ്ടാക്കിയ കരാർ റദ്ദാക്കി ഇപ്പോൾതന്നെ അതിന്റെ ഇരട്ടി വിലയ്ക്ക് വൈദ്യുതി വാങ്ങേണ്ടി വരികയും അതിന്റെ പേരിൽ ചാർജ് വർദ്ധനവ് അടിച്ചേൽപ്പിക്കുകയും ചെയ്ത് വൈദ്യുതി മേഖലയെ കരയില്ലാ കയത്തിൽ എത്തിച്ചിട്ടാണ് ഊർജ്ജമേഖലയെ പുരോഗതിയിലേക്ക് നയിച്ചു കൊണ്ടിരിക്കുകയാണെന്ന അവകാശവാദം നടത്തിയിരിക്കുന്നത്.
            
നെല്ല്, റബർ തുടങ്ങിയവയുടെ താങ്ങുവിലയെകുറിച്ച് പരാമർശിക്കുക പോലും ചെയ്യാതെ കാർഷിക മേഖലയെ അപ്പാടെ അവഗണിച്ചിരിക്കുന്നു. ചെന്നുപെട്ടിരിക്കുന്ന സാമ്പത്തിക തകർച്ചയിൽ നിന്ന് കരകയറാനുള്ള പരിപാടികളോ ദിശാബോധമുള്ള ഒരു ഗവൺമെന്റിന്റെ പ്രഖ്യാപനങ്ങളോ ഒന്നുമില്ലാതെ കടമ നിർവഹിക്കാനുള്ള വാചാടോപം മാത്രമായി നയ പ്രഖ്യാപന പ്രസംഗത്തെ പിണറായി സർക്കാർ തരംതാഴ്ത്തിയിരിക്കുകയാണെന്നും പുതുശ്ശേരി പറഞ്ഞു. 
- Advertisment -

RELATED ARTICLES
Advertisment

- Advertisement -

കനത്ത മഴ:എല്ലാ ജില്ലകളിലും മുന്നറിയിപ്പ്

തിരുവനന്തപുരം:സംസ്ഥാനത്ത്‌ ഇന്നു തീവ്രമഴയ്ക്കു സാധ്യത. എറണാകുളം, തൃശൂർ, ഇടുക്കി, പാലക്കാട്, മലപ്പുറം, കോഴിക്കോട്, വയനാട് ഏന്നീ 7 ജില്ലകളിൽ ഓറഞ്ച് അലർട്ട് പ്രഖ്യാപിച്ചു.മറ്റ് 7 ജില്ലകളിൽ യെലോ അലർട്ടാണ്. തെക്കൻ കേരളത്തിന് മുകളിലായി നിലനിൽക്കുന്ന...

വന നിയമങ്ങൾ പരിഷ്കരിച്ച് ആവാസ വ്യവസ്ഥ കാര്യക്ഷമമാക്കണം: കുറിയാകോസ് മാർ ക്ലീമ്മീസ് വലിയ മെത്രാപ്പോലിത്താ

തണ്ണിത്തോട് : വന്യമൃഗങ്ങളുടെ ആവാസവ്യവസ്ഥ കാര്യക്ഷമമാക്കുവാൻ അധികാരികൾ സ്വത്വര നടപടികൾ സ്വീകരിക്കണമെന്നും വനനിയമങ്ങൾ പരിഷ്കരിക്കുവാനും  അത് നടപ്പിലാക്കുവാനും സാധിക്കണമെന്നും കുറിയാകോസ് മാർ ക്ലീമ്മീസ് വലിയ മെത്രാപ്പോലീത്താ അഭിപ്രായപ്പെട്ടു. കേരളാ കൗൺസിൽ ഓഫ് ചർച്ചസ്...
- Advertisment -

Most Popular

- Advertisement -