ശബരിമല: വിഷു പൂജകൾക്കായി ശബരിമല ക്ഷേത്ര നട ഈ മാസം 10 ന് തുറക്കും. ഒരുക്കങ്ങൾ ആരംഭിച്ചതായി ശബരിമല ദേവസ്വം എക്സിക്യൂട്ടിവ് ഓഫീസർ അറിയിച്ചു. 10ന് വൈകിട്ട് 5 മണിക്ക് മേൽശാന്തി പി.എൻ. മഹേഷ് ക്ഷേത്ര നട തുറന്ന് ദീപം തെളിയിക്കും.13 ന് രാത്രി അത്താഴ പൂജ കഴിഞ്ഞ് വിഷുക്കണി ഒരുക്കിയ ശേഷമാണ് ശ്രീകോവിൽ അടയ്ക്കുന്നത്. 14 ാം തീയതി പുലർച്ചെ 4 മുതൽ രാവിലെ 7 വരെ വിഷുക്കണി ദർശനം ഉണ്ടായിരിക്കും.
14 ന് പുലർച്ചെ 4 ന് നട തുറന്നതിന് ശേഷം ശ്രീകോവിലിൽ ദീപങ്ങൾ തെളിക്കും. തുടർന്ന് അയ്യപ്പ സ്വാമിയ്ക്ക് കണി കാണുന്നതിന് അവസരം ഉണ്ടാകും . ശേഷം ഭക്തർക്ക് കണി കാണുന്നതിന് അവസരം ലഭിക്കും . തന്ത്രിയും മേൽശാന്തിയും ചേർന്ന് ഭക്തർക്ക് വിഷുക്കൈ നീട്ടം നൽകും.
11 – 18 വരെ രാവിലെ നെയ്യഭിഷേകത്തിനുള്ള സൗകര്യവും ഉണ്ട്. വിഷു പുജകൾക്ക് ശേഷം 18 ന് രാത്രി 10 ന് ഹരിവരാസനം പാടി നട അടയ്ക്കും
