Monday, June 23, 2025
No menu items!

subscribe-youtube-channel

HomeCareerഅബാൻ മേൽപ്പാല...

അബാൻ മേൽപ്പാല നിർമാണം വൈകുന്നു :  വ്യാപാരികൾ നഗരത്തിൽ പ്രതിഷേധ പ്രകടനം നടത്തി

പത്തനംതിട്ട :  കഴിഞ്ഞ നാല് വർഷമായി നിർമ്മാണം ഇഴഞ്ഞ് നീങ്ങുന്ന അബാൻ മേൽപ്പാലം പത്തനംതിട്ട നഗരസഭാ ബസ് സ്റ്റാൻഡ് പരിസരത്തെ നിരവധി വ്യാപാരികളുടെ ജീവിതം മാറ്റിമറിച്ചു. പാലം പണി ആരംഭിച്ചതോടെ വ്യാപാരസ്ഥാപനങ്ങളിൽ ആരും കയറാതാവുകയും വാടക, ലൈസൻസ് അടക്കമുളള ചെലവുകളിൽ യാതൊരു കുറവും ഉണ്ടാകാതിരിക്കുകയും ചെയ്തതോടെ പല വ്യാപാരികളും കടം കയറി ആത്മഹത്യയുടെ വക്കിലായി.

കടം കൊണ്ട് നാട്ടിൽ നിൽക്കാനാകാതെ വർഷങ്ങളായി ഇവിടെ വ്യാപാരം നടത്തിവന്നിരുന്ന രണ്ട് വ്യാപാരികൾ ജോലി തേടി വിദേശത്തേക്ക് പോവുകയും ചെയ്തിട്ടുണ്ട്. അബാൻ മേൽപ്പാലത്തിൻ്റെ ആവശ്യകതയെച്ചൊല്ലിത്തന്നെ രണ്ട് പക്ഷം സജീവമാണെങ്കിലും തുടങ്ങിയ സ്ഥിതിക്ക് എത്രയും വേഗം മേൽപാലം പണിയും അപ്രോച്ച് റോഡും പൂർത്തിയാക്കി നഗരത്തിൻ്റെ ഹൃദയഭാഗത്തെ സ്തംഭനാവസ്ഥ ഒഴിവാക്കണമെന്നാണ് വ്യാപാരികളുടെ ആവശ്യം.

അബാൻ മേൽപ്പാലത്തിൻ്റെയും അപ്രോച്ച് റോഡിൻ്റെയും നിർമ്മാണം അടിയന്തിരമായി പൂർത്തിയാക്കണമെന്നാവശ്യപ്പെട്ട് വ്യാപാരി വ്യവസായികൾ പത്തനംതിട്ട നഗരത്തിൽ പ്രതിഷേധ പ്രകടനം സംഘടിപ്പിച്ചു. പത്തനംതിട്ട പ്രൈവറ്റ് ബസ്റ്റാൻ്റിൽ നിന്നും ആരംഭിച്ച മാർച്ച് നഗരം ചുറ്റി ടൗൺ സ്ക്വയറിൽ സമാപിച്ചു. പ്രതിഷേധ യോഗം സംയുക്ത വ്യാപാരി സമിതി പ്രസിഡൻ്റ് അശോക് കുമാർ ഉദ്ഘാടനം ചെയ്തു.

സംയുക്ത വ്യാപാരി സമിതി സെക്രട്ടറി ഷാജി സുറൂർ അധ്യക്ഷത വഹിച്ചു. വ്യാപാരി വ്യവസായി ഏകോപന സമിതി സംസ്ഥാന വൈസ് പ്രസിഡൻ്റ് അബു നവാസ്, വ്യാപാരി വ്യവസായി ഏകോപന സമിതി ജില്ലാ പ്രസിഡൻ്റ് അഹമ്മദ്, വ്യാപാരി വ്യവസായി സമിതി ജില്ലാ വൈസ് പ്രസിഡന്റ് അബ്ദുൽ റഹിം മാക്കർ, അബ്ദുൾ ഷുക്കൂർ, ഷാജി, എം എച്ച് ഉല്ലാസ്, ഡോ. ഇന്ദു, ജിഷ ഷാഹിദ, അഷറഫ്, സന്തോഷ്കുമാർ, നിയാസ് കൊന്നമൂട് തുടങ്ങിയവർ നേതൃത്വം നൽകി.

- Advertisment -

RELATED ARTICLES
Advertisment

- Advertisement -

കേന്ദ്ര സർക്കാർ ജീവനക്കാരുടെ ക്ഷാമബത്ത ഉയർത്തി

ന്യൂഡൽഹി : കേന്ദ്ര സർക്കാർ ജീവനക്കാരുടെ ക്ഷാമബത്ത ഉയർത്തി . 53 ൽ നിന്ന് 55 ശതമാനമായാണ് ഡിഎ വർധിപ്പിച്ചത്.ജനുവരി ഒന്നുമുതൽ മുൻകാല പ്രാബല്യത്തോടെയാണ് ക്ഷാമ ബത്ത ഉയർത്തിയിരിക്കുന്നത്.കേന്ദ്ര സർവീസ് പെൻഷൻകാർക്കും വർധനവിൻ്റെ...

Kerala Lotteries Results : 15-10-2024 Sthree Sakthi SS-437

1st Prize Rs.7,500,000/- (75 Lakhs) SM 348922 (THRISSUR) Consolation Prize Rs.8,000/- SA 348922 SB 348922 SC 348922 SD 348922 SE 348922 SF 348922 SG 348922 SH 348922 SJ...
- Advertisment -

Most Popular

- Advertisement -