തിരുവനന്തപുരം : പി.വി.അന്വർ എം എൽ എയ്ക്കെതിരെ വിമര്ശനവുമായി മുഖ്യമന്ത്രി പിണറായി വിജയന്. അന്വർ കോണ്ഗ്രസില്നിന്ന് വന്നയാളാണെന്നും പൊളിറ്റിക്കല് സെക്രട്ടറി പി.ശശി മാതൃകാപരമായ പ്രവര്ത്തനമാണ് നടത്തുന്നതെന്നും മുഖ്യമന്ത്രി വാർത്താസമ്മേളനത്തിൽ പറഞ്ഞു .
പി.വി.അന്വര് ആരോപണങ്ങള് ആദ്യം പാര്ട്ടിയുടെ ശ്രദ്ധയില് പെടുത്തുകയായിരുന്നു വേണ്ടത്. നിയമവിരുദ്ധമായ കാര്യങ്ങള് ചെയ്തുകൊടുക്കാത്തതിന്റെ പേരില് ആരെങ്കിലും എന്തെങ്കിലും വിളിച്ചുപറഞ്ഞാല് നടപടി എടുക്കാനാവില്ലെന്നും മുഖ്യമന്ത്രി പറഞ്ഞു.
പി.വി.അന്വര് ആരോപണം ഉന്നയിച്ചപ്പോള് തന്നെ ഡിജിപിയുടെ നേതൃത്വത്തില് അന്വേഷണ സംഘത്തെ നിയോഗിച്ചു. അന്വേഷണം നടക്കുകയാണെന്നും റിപ്പോര്ട്ട് ലഭിക്കുന്ന മുറയ്ക്ക് ഉചിതമായ നടപടി സ്വീകരിക്കുമെന്നും മുഖ്യമന്ത്രി പറഞ്ഞു.
