പത്തനംതിട്ട: അയിരൂർ ഗ്രാമപഞ്ചായത്തിൻ്റെ നേതൃത്വത്തിൽ നടത്തുന്ന അയിരൂർ പുതിയകാവ് മാനവമൈത്രി ചതയം ജലോത്സവം 17 ന് ഉച്ചയ്ക്ക് 1 ന് പമ്പാനദിയിൽ പുതിയകാവ് ദേവീക്ഷേത്ര കടവിൽ നടക്കും. രാവിലെ 9.30ന് ജലോത്സവ നഗറിൽ പതാക ഉയർത്തും. തുടർന്ന് അത്തപ്പൂക്കളം, വഞ്ചിപ്പാട്ട് മത്സരങ്ങൾ ഉണ്ടാകും.
ആൻ്റോ ആൻ്റണി എംപി മത്സരവള്ളംകളി ഉദ്ഘാടനം ചെയ്യും. ജലഘോഷയാത്രയുടെ ഉദ്ഘാടനം പ്രമോദ് നാരായണൻ എം എൽ എ നിർവഹിക്കും. ജില്ലാ പഞ്ചായത്ത് പ്രസിഡൻ്റ് രാജി പി രാജൻ മാനവമൈത്രി സന്ദേശം നൽകും. ജില്ലാ കളക്ടർ എസ് പ്രേം കൃഷ്ണൻ പള്ളിയോടങ്ങൾക്ക് ദക്ഷിണ നൽകുമെന്ന് ഭാരവാഹികൾ അറിയിച്ചു.
