ചങ്ങനാശ്ശേരി: സർഗഭവന നിർമാണത്തിന് ചാരുതയേകി സെൻറ് ചവറ ട്രോഫി- ഇടിമണ്ണിക്കൽ – യവനിക സീസൺ 3 പ്രൊഫഷണൽ നാടകോത്സവം പുരോഗമിക്കുന്നു. നാലാം ദിനത്തിൽ “ആറ്റിങ്ങൽ ശ്രീധന്യയുടെ മുഖാമുഖം” നാടകം ചെത്തിപ്പുഴ സർഗക്ഷേത്ര തേവർകാട് പ്രൊഫസർ റ്റി. റ്റി ചാക്കോ നഗറിൽ അരങ്ങേറി. സ്റ്റിക്കർ ഡിസൈൻസ് തെങ്ങാണയുടെ സ്‌പോൺസർഷിപ്പിലാണ് നാടകം അരങ്ങേറിയത്.
മുഹാദ് വെമ്പായതിന്റെ രചനയിൽ സുരേഷ് ദിവാകരൻ സംവിധാനം ചെയ്ത മുഖാമുഖം എന്ന നാടകം ഭരണഘടനയിലെ ആർട്ടിക്കിൾ 14-നെ കലാപരമായി വിശകലനം ചെയ്യുന്നതാണ്. സമൂഹത്തിലെ ആനുകാലിക പ്രശ്നങ്ങളെ ഗൗരവത്തോടെ ചർച്ചചെയ്യുകയും ഏറെ പ്രേക്ഷക ശ്രദ്ധ നേടിയെടുക്കുകയും ചെയ്തു.
പ്രൊഫഷണൽ ഫോറം വൈസ് പ്രസിഡന്റ് ഡോ.സന്തോഷ് ജെ.കെ.വി ചടങ്ങിന് സ്വാഗതം ആശംസിച്ചു. പ്രൊഫഷണൽ ഫോറം അഗം ജോർജ് വർക്കി പ്രായോജകരെ പരിചയപ്പെടുത്തി സംസാരിച്ചു. പ്രൊഫഷണൽ ഫോറം സെക്രട്ടറി ആന്റണി ജേക്കബ് ചടങ്ങിന് നന്ദി അറിയിക്കുകയും ചെയ്തു. ഹേമന്ത് കുമാറിന്റെ രചനയിൽ രാജേഷ് ഇരുളം സംവിധാനം ചെയുന്ന കാഞ്ഞിരപ്പള്ളി അമല അവതരിപ്പിക്കുന്നു ശാന്തം എന്ന നാടകമാണ് ഇന്ന് 6: : 30 പി.എം ന് സർഗക്ഷേത്ര അങ്കണത്തിൽ അരങ്ങേറുന്നത്.
