ദുബായ് : ദുബായിൽ നിന്ന് ടെൽ അവീവിലേക്ക് പറന്ന ഫ്ലൈദുബായ് വിമാനത്തിൽ വെച്ച് ഉണ്ടായ ഭീകരാക്രമണ ശ്രമം തടഞ്ഞ് 170 മനുഷ്യജീവനുകൾ രക്ഷിച്ച ക്യാപ്റ്റൻ സ്മിത് മച്ഛാറിന് ആദരവുമായി യുഎഇ. രാജ്യത്തിന്റെ ഉന്നത സിവിലിയൻ ബഹുമതികളിൽ ഒന്നായ ഫസ്റ്റ് ക്ലാസ് ഓര്‍ഡര്‍ ഓഫ് സായിദ് 2 പുരസ്കാരമാണ് സ്മിത് മച്ചാറിന് സമര്‍പ്പിച്ചത്. ചടങ്ങിൽ വിമാനത്തിലുണ്ടായിരുന്ന ജീവനക്കാരെയും യുഎഇ ആദരിച്ചു.
വിദേശ അംബാസഡർമാർക്കും നയതന്ത്രജ്ഞർക്കും മുതിർന്ന ആഗോള വ്യക്തിത്വങ്ങൾക്കും പൊതുസേവന രംഗത്തെ മികച്ച സംഭാവനകൾക്ക് നൽകുന്ന ബഹുമതിയാണിത്. ദുബായ് കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയുമായ ശൈഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തുമാണ് പുരസ്കാരം സമ്മാനിച്ചത്.
