പത്തനംതിട്ട : തദ്ദേശ തിരഞ്ഞെടുപ്പിന് മുന്നോടിയായുള്ള ഇലക്ട്രോണിക് വോട്ടിംഗ് മെഷീൻ ( ഇവിഎം) കളുടെ ആദ്യഘട്ട പരിശോധന ജൂലൈ 25 മുതൽ ആരംഭിക്കുമെന്ന് സംസ്ഥാന തിരഞ്ഞെടുപ്പ് കമ്മീഷൻ അറിയിച്ചു.
പത്തനംതിട്ട ജില്ലയിൽ ഓഗസ്റ്റ് ഒന്നു മുതൽ 20 വരെയാണ് പരിശോധന. 2210 കൺട്രോൾ യൂണിറ്റുകളും 6250 ബാലറ്റ് യൂണിറ്റുകളും പരിശോധിക്കും.
തിരുവനന്തപുരം, കൊല്ലം, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട് ജില്ലകളിൽ ജൂലൈ 25 മുതൽ ഓഗസ്റ്റ് 25 വരെയും കാസർഗോഡ് ജൂലൈ 28 മുതൽ ഓഗസ്റ്റ് 20 വരെയും കണ്ണൂർ ഓഗസ്റ്റ് ഒന്നു മുതൽ 23 വരെയും പരിശോധന നടക്കും.
14 ജില്ലകളിലായി 51551 കൺട്രോൾ യൂണിറ്റുകളും 139053 ബാലറ്റ് യൂണിറ്റുകളും പരിശോധിക്കും. പൊതുമേഖലാ സ്ഥാപനമായ ഇസിഐഎൽ നിയോഗിക്കുന്ന രണ്ട് എൻജിനീയർമാരുടെ നേതൃത്വത്തിൽ ആയിരിക്കും പരിശോധന.
 കളുടെ ആദ്യഘട്ട പരിശോധന ജൂലൈ 25 മുതൽ ആരംഭിക്കുമെന്ന്){kind=link}