മലപ്പുറം: അനസ്തേഷ്യ നൽകിയതിനെ തുടർന്ന് 4 വയസുകാരൻ മരിച്ച സംഭവത്തിൽ അസ്വാഭാവിക മരണത്തിന് പൊലീസ് കേസെടുത്തു.ചികിത്സ പിഴവ് ആരോപിച്ച് ബന്ധുക്കൾ നൽകിയ പരാതിയിലാണ് കേസെടുത്തിരിക്കുന്നത്. അരിമ്പ്ര സ്വദേശി നിസാറിന്റെ മകൻ മുഹമ്മദ്‌ ഷാനിൽ(4) ആണ് കൊണ്ടോട്ടി മേഴ്‌സി ആശുപത്രിയിൽ വെച്ച് മരിച്ചത്.
കളിക്കുന്നതിനിടെ വായിൽ കമ്പുകൊണ്ട് മുറഞ്ഞതിനെ തുടർന്ന്, വായിലെ മുറിവ് തുന്നിക്കെട്ടാൻ അനസ്തേഷ്യ നൽകിയതിന് പിന്നാലെയാണ് കുഞ്ഞ് മരിച്ചത്. ചികിത്സാ പിഴവാരോപിച്ച് ബന്ധുക്കള്‍ ആശുപത്രിയില്‍ പ്രതിഷേധിച്ചു. എന്നാൽ ചികിത്സാ പിഴവുണ്ടായിട്ടില്ലെന്നാണ്‌ ആശുപത്രി അധികൃതരുടെ വിശദീകരണം.
