ന്യൂയോർക്ക് : വ്യോമസേനാ ഗ്രൂപ്പ് ക്യാപ്റ്റൻ ശുഭാംശു ശുക്ലയുടെ ആക്സിയം ദൗത്യം മാറ്റിവെച്ചു.ഫാൽക്കൺ 9 റോക്കറ്റിൽ ലിക്വിഡ് ഓക്സിജൻ ചോർച്ച കണ്ടെത്തിയതിനെ തുടർന്നാണ് തീരുമാനം .കഴിഞ്ഞ 3 തവണ മാറ്റിവെച്ച വിക്ഷേപണം ഇന്ന് വൈകിട്ടത്തേക്കാണ് തീരുമാനിച്ചിരുന്നത് .
ആദ്യമായി ഒരിന്ത്യക്കാരന്‍ ബഹിരാകാശ നിലയത്തിലെത്തുന്നുവെന്നതാണ് ഈ ദൗത്യത്തിന്റെ പ്രത്യേകത. യുഎസ് ഫ്ലോറിഡയിലെ കെന്നഡി സ്പേസ് സെന്ററിൽ നിന്ന് സ്പേസ്എക്സിന്റെ ഫാൽക്കൺ 9 റോക്കറ്റിലാണ് ഇന്ത്യയുടെ ശുഭാംശു ശുക്ല ഉൾപ്പെടെ നാല് പേർ രാജ്യാന്തര ബഹിരാകാശ നിലയത്തിലെത്തുന്നത്.
ആക്സിയം സ്പേസ് എന്ന സ്വകാര്യ കമ്പനിയാണ് യാത്രയുടെ പ്രധാന സംഘാടകർ. ആദ്യം മെയ് 29നും പിന്നീട് ജൂണ്‍ 10,ജൂൺ 11 തീയതികളിലേക്കും ദൗത്യം മാറ്റിവച്ചിരുന്നു .
