അതിഥി തൊഴിലാളികളെ ആക്രമിച്ച് പണം തട്ടിയ 5 പേർ അറസ്റ്റിൽ

കൊച്ചി : പെരുമ്പാവൂരിൽ അതിഥി തൊഴിലാളികളുടെ താമസ സ്ഥലത്ത് അതിക്രമിച്ചു കയറി പണം കവർച്ച ചെയ്ത 5 പ്രതികള്‍ പിടിയിൽ.പോഞ്ഞാശേരി സ്വദേശികളായ റിൻഷാദ്, സലാം, വലിയകുളം സ്വദേശികളായ ബേസിൽ, സലാഹുദ്ദീൻ, ചേലക്കുളം സ്വദേശി അനു എന്നിവരാണ് പിടിയിലായത് .അതിഥി തൊഴിലാളികൾ താമസിക്കുന്നിടത്ത് അഞ്ചംഗ സംഘം അതിക്രമിച്ചു കയറി കത്തി ഉൾപ്പെടെ ഉപയോഗിച്ച് ഭീഷണിപ്പെടുത്തി 37,000 രൂപ തട്ടിയെടുക്കുകയായിരുന്നു . ഇന്നലെ വൈകിട്ടാണ് സംഭവം. സംഘത്തിലെ റിൻഷാദ് ലഹരി കച്ചവടം അടക്കം നിരവധി ക്രിമിനൽ കേസുകളിൽ പ്രതി ആണ് എന്ന് പെരുമ്പാവൂർ പൊലീസ് അറിയിച്ചു .