തിരുവല്ല: കയർ ഭൂവസ്ത്ര വിതാന പദ്ധതിയിൽ പെരിങ്ങര പഞ്ചായത്തിന് പുരസ്കാരം. മികച്ച പഞ്ചായത്തിനുള്ള ജില്ലയിൽ രണ്ടാം സ്ഥാനവും പുളിക്കീഴ് ബ്ലോക്കിൽ ഒന്നാം സ്ഥാനവും ലഭിച്ച പുരസ്കാരം പെരിങ്ങര ഗ്രാമപഞ്ചായത്ത് പ്രസിഡന്റ് എബ്രഹാം തോമസ് ജില്ലാ പഞ്ചായത്ത് പ്രസിഡണ്ട് ജോർജ് എബ്രഹാമിൽ നിന്നും ഏറ്റുവാങ്ങി.
സംസ്ഥാന കയർ വികസന വകുപ്പിന്റെ നേതൃത്വത്തിൽ എല്ലാ പഞ്ചായത്തുകളിലും ദേശീയ തൊഴിലുറപ്പ് പദ്ധതിയോട് അനുബന്ധിച്ച് നടപ്പിലാക്കുന്ന കയർ ഭൂവസ്ത്ര വിതാന പദ്ധതിയിൽ മികച്ച പ്രവർത്തനം നടത്തിയതിനാണ് അംഗീകാരം ലഭിച്ചത്.
