അഖില ഭാരത പാണ്ഡവീയ മഹാവിഷ്ണു സത്രം : മഹാനാരായണീയ യജ്ഞം മാർച്ച്‌ 22ന് ആരംഭിക്കും

ചങ്ങനാശ്ശേരി : തൃക്കൊടിത്താനം മഹാക്ഷേത്രത്തിൽ നടക്കുന്ന അഞ്ചാമത് അഖില ഭാരത പാണ്ഡവീയ മഹാവിഷ്ണു സത്രത്തിന്റെ മുന്നോടിയായി 51 ദിനം നീണ്ടുനിൽക്കുന്ന മഹാനാരായണീയ യജ്ഞത്തിന് മാർച്ച്‌ 22ന് തുടക്കമാകും. 22ന് രാവിലെ 8 മണിക്ക് ഗോവ ഗവർണർ അഡ്വക്കേറ്റ് പി എസ് ശ്രീധരൻപിള്ള ഭദ്രദീപം തെളിച്ച് നാരായണീയ യജ്ഞത്തിന്റെ ഉദ്ഘാടന കർമ്മം നിർവഹിക്കും. സംസ്ഥാനത്തെ 500ൽപ്പരം നാരായണീയ സമിതികൾ വിവിധ ദിവസങ്ങളിൽ ക്ഷേത്രത്തിൽ എത്തും. മെയ്‌ 10മുതൽ 17വരെയാണ് അഖില ഭാരത പാണ്ഡവീയ മഹാവിഷ്ണു സത്രം നടക്കുന്നത്.