മല്ലപ്പള്ളി താലൂക്ക് എൻഎസ്എസ് യൂണിയന് 41.5 ലക്ഷം രൂപയുടെ ബഡ്ജറ്റ്

മല്ലപ്പള്ളി : മല്ലപ്പള്ളി താലൂക്ക് എൻഎസ്എസ് യൂണിയൻ വാർഷിക പൊതുയോഗവും വരവുചെലവ് കണക്കുകളുടെയും 41.5 ലക്ഷം രൂപയുടെ ബഡ്ജറ്റിന്റെയും അവതരണവും നടന്നു .യൂണിയൻ ആഡിറ്റോറിയത്തിൽ നടന്ന ചടങ്ങ് യൂണിയൻ ചെയർമാൻ എം പി ശശിധരൻ പിള്ള ഉദ്ഘാടനം ചെയ്തു. യൂണിയൻ സെക്രട്ടറി കെ ജി ഹരീഷ് കണക്കുകൾ അവതരിപ്പിച്ചു. അഡ്വക്കേറ്റ് പ്രകാശ് കുമാർ ചരളേൽ , പി കെ ശിവൻകുട്ടി എന്നിവർ സംസാരിച്ചു.  ഭരണസമിതി അംഗങ്ങളായ സതീഷ് കുമാർ, സുദർശനകുമാർ ,കരുണാകരൻ നായർ, എ സി വ്യാസൻ, പ്രശാന്ത്കുമാർ, രവീന്ദ്രൻ നായർ, ശശിധരൻ നായർ എന്നിവരും താലൂക്കിലെ വിവിധ കരയോഗങ്ങളിലെ പ്രതിനിധികളും യോഗത്തിൽ സംബന്ധിച്ചു.