അനുനയനീക്കവുമായി സിപിഎം : ജി സുധാകരനെ ഫോണിൽ വിളിച്ച് എം വി ഗോവിന്ദൻ

ആലപ്പുഴ : പാർട്ടി വിടുമെന്ന സൂചന നൽകിയ ജി സുധാകരനെ അനുനയിപ്പിക്കാൻ സിപിഎം.  സംസ്ഥാന സെക്രട്ടറി എം വി ഗോവിന്ദൻ സുധാകരനെ ഫോണിൽ വിളിച്ചു .വാർത്താസമ്മേളനത്തിൽ സുധാകരനെ പരിഹസിച്ചിട്ടില്ലെന്നും ചിരിച്ചത് മാധ്യമപ്രവർത്തകരുടെ ചോദ്യം കേട്ടാണെന്നും ഗോവിന്ദൻ വിശദീകരിച്ചു. മാധ്യമങ്ങൾ തെറ്റായി പ്രചരിപ്പിക്കുകയാണെന്നും മെമ്പർഷിപ് പുതുക്കണമെന്നും  ഗോവിന്ദൻ ആവശ്യപ്പെട്ടു.അതേസമയം, ജി സുധാകരൻ ചില പ്രയാസങ്ങൾ പറഞ്ഞുവെന്നു മാത്രമേ ഉള്ളുവെന്നും തെരഞ്ഞെടുപ്പിൽ അദ്ദേഹത്തിന്റെ കഴിവും അനുഭവസമ്പത്തും പ്രയോജനപ്പെടുത്തുമെന്നും സിപിഎം ജനറൽ സെക്രട്ടറി എംഎ ബേബി പറഞ്ഞു .