തിരുവല്ല : അഴിയിടത്തുചിറ ഉത്രമേൽ ഭഗവതി ക്ഷേത്രത്തിൽ പതിനേഴാമത് ശ്രീമദ് ദേവീ ഭാഗവത നവാഹ യജ്ഞത്തിന് തുടക്കമായി. ഒക്ടോബർ 2 ( വിജയദശമി) വരെ നീണ്ടു നിൽക്കുന്ന നവാഹ യജ്ഞത്തിന്റെ ദേവീ വിഗ്രഹ ഘോഷയാത്ര നടന്നു. തുടർന്നു നടന്ന ഭദ്രദീപ പ്രകാശനം സിനിമാനിർമ്മാതാവും സംവിധായകനും നടനുമായ എം ബി പദ്മകുമാർ നിർവഹിച്ചു.
സെപ്റ്റംബർ 24 (ഇന്ന്) രാവിലെ 5-ന് അഷ്ടദ്രവ്യ ഗണപതിഹോമം നടന്നു.
യജ്ഞ വേദിയിൽ എല്ലാ ദിവസവും രാവിലെ ഗണപതിഹോമം, ലളിതാ സഹസ്രനാമജപം, ദേവീ ഭാഗവത പാരായണം, വിവിധ നാരായണീയ സമിതികളുടെ നാരായണീയ പാരായണം, പ്രസാദമൂട്ട് എന്നിവ ഉണ്ടാകും.
സെപ്റ്റംബർ 26-ന് വൈകിട്ട് 5-ന് വിദ്യാ ഗോപാല മന്ത്രാർച്ചന. 27-ന് രാവിലെ 9-ന് നവാക്ഷരീഹോമം. 28-ന് രാവിലെ 9-ന് നവഗ്രഹ പൂജ, വൈകിട്ട് 5-ന് മാതൃ പൂജ, 29-ന് രാവിലെ 10-45 ന് അഷ്ട ലക്ഷ്മീ പൂജ. 11-ന് പാർവ്വതീ പരിണയം, ഉമാ മഹേശ്വര പൂജ. 12-30 ന് തിരുവാതിരകളി,വൈകിട്ട് 5-ന് സർവ്വൈശ്വര്യ പൂജ.
30-ന് രാവിലെ 9-ന് മഹാ മൃത്യുഞ്ജയ ഹോമം. ഒക്ടോബർ 1-ന് രാവിലെ 9-ന് ധാരാ ഹോമം, വൈകിട്ട് 5-ന് കുമാരീ പൂജ. ഒക്ടോബർ 2-ന് രാവിലെ 7-ന് ഗായത്രീ ഹോമം, 9-30 ന് മണിദ്വീപ വർണ്ണന. 10-30 ന് പാരായണ സമർപ്പണം.
തുടർന്ന് അവഭൃഥസ്നാന ഘോഷയാത്ര അഴിയിടത്തുചിറ ശ്രീ അനിരുദ്ധേശ്വരം മഹാദേവ ക്ഷേത്രത്തിൽ നിന്നും ആരംഭിച്ച് താലപ്പൊലി, നാമജപം, വാദ്യമേളങ്ങളുടെ അകമ്പടിയോടെ ക്ഷേത്രാങ്കണത്തിൽ എത്തിച്ചേരും. തുടർന്നു നടക്കുന്ന കുങ്കുമ കലശാഭിഷേകം, യജ്ഞ സമർപ്പണം, ദീപാരാധനയോടു കൂടി നവാഹ യജ്ഞം സമാപിക്കും.
