ആലപ്പുഴ: സഞ്ചാരികളുമായി യാത്ര നടത്തുന്നതിനിടെ ഹൗസ്ബോട്ടിലേക്ക് വെള്ളം ഇരച്ചുകയറി. ഉടൻ ജെട്ടിയിലേക്ക് അടുപ്പിച്ചതിനാൽ വൻ അപകടം ഒഴിവായി. ശനിയാഴ്ച വേമ്പനാട്ട് കായലിലാണ് സംഭവം. ആലപ്പുഴ സ്വദേശി സോണിയുടെ ഉടമസ്ഥതയിലുള്ളതാണ് ബോട്ട്. ബോട്ടന്റെ അടിഭാഗത്ത് സൈലൻസർ ഘടിപ്പിച്ചിടത്ത് ദ്വാരമുണ്ടായതാണ് വെള്ളംകയറാൻ കാരണം.
ഉടൻ ജീവനക്കാർ ബോട്ട് പുഞ്ചിരി ജെട്ടിയിലേക്ക് അടുപ്പിച്ചു. ബോട്ടിൽ ഈസമയം നാലോളം സഞ്ചാരികളുണ്ടായിരുന്നു. ഇവരെ സുരക്ഷിതമായി മാറ്റി. തുടർന്ന് ഫയർഫോഴ്സിന്റെ നേതൃത്വത്തിൽ പമ്പ് ഉപയോഗിച്ച് വെള്ളം വറ്റിച്ചു. പിന്നീട് യാത്ര തുടർന്നു.
