കൊച്ചി : കളമശ്ശേരിയിൽ യുവതിയെ സ്പായിൽ ജോലി വാഗ്ദാനം നൽകി ലോഡ്ജിൽ എത്തിച്ച് ബലാത്സംഗം ചെയ്ത സംഭവത്തിൽ രണ്ടുപേരെ കൂടി പോലീസ് കസ്റ്റഡിയിലെടുത്തു. ഒളിവിലായിരുന്ന രണ്ടാം പ്രതി വയനാട് സ്വദേശി അമ്മു എന്ന ശരണ്യ, ഇവരുടെ സുഹൃത്ത് മൂന്നാം പ്രതി സഞ്ജു എന്നിവരാണ് ഇന്ന് വയനാട്ടിൽ നിന്ന് പോലീസ് പിടികൂടിയത്.
ഒക്ടോബർ രണ്ടിന് സ്പായിൽ ജോലിനൽകാമെന്നു പറഞ്ഞ് യുവതിയെ ലോഡ്ജിൽ എത്തിച്ച് ബലമായി മദ്യവും മയക്കുമരുന്നും നൽകിയശേഷം ശ്രീരാജ്, ജിത്ത് മാർട്ടിൻ,അമ്മു എന്നിവർ ക്രൂരമായി പീഡിപ്പിക്കുകയായിരുന്നു.കേസിൽ സ്പാ നടത്തിപ്പുകാരനും ഒന്നാം പ്രതിയുമായ ശ്രീരാജിനെയും നാലാം പ്രതി ജിത്ത് മാർട്ടിനെയും പോലീസ് നേരത്തേ അറസ്റ്റ് ചെയ്തിരുന്നു.
