Sunday, June 22, 2025
No menu items!

subscribe-youtube-channel

HomeSpiritualകവിയൂർ ഗണേശോത്സവം ...

കവിയൂർ ഗണേശോത്സവം  5ന് തുടങ്ങും : വിഗ്രഹ നിമഞ്ജനം മണിമലയാറ്റിൽ

തിരുവല്ല : തൃക്കവിയൂർ ഗണേശോത്സവം 5ന് വൈകിട്ട് 5ന് വിളംബര ഘോഷയാത്രയോടെ ആരംഭിക്കും. പലിപ്ര ദേവീക്ഷേത്രത്തിൽ നിന്ന് ആരംഭിക്കുന്ന ഘോഷയാത്ര കവിയൂർ ദേശത്തെ വിവിധ ക്ഷേത്രങ്ങളിലും സാംസ്കാരിക കേന്ദ്രങ്ങളിലൂടെയും പ്രദിക്ഷണം നടത്തി മഹാഗണപതി വിഗ്രഹ പ്രതിഷ്ഠ നടത്തുന്ന കാവുങ്കൽ ശ്രീധർമ്മശാസ്താ ക്ഷേത്രത്തിൽ സമാപിക്കും. 6ന് വൈകിട്ട് 6ന് യജ്ഞഹോതാവ് മൂത്തേടത്തില്ലം കൃഷ്ണരരുടെ മുഖ്യകാർമികത്വത്തിൽ വിഗ്രഹ പ്രതിഷ്ഠ നടക്കും.

ഗണേശ സേവാ നിധിയുടെ ഉദ്ഘാടനം രക്ഷാധികാരി ഡോ. ബി.ജി. ഗോകുലൻ, മഹോത്സവ വിളംബരം രക്ഷാധികാരി കെ.സി.പ്രദീപ്ചന്ദ് എന്നിവർ നിർവഹിച്ചു

7 ന് പകൽ 11ന് നടക്കുന്ന സാംസ്കാരിക സമ്മേളനം വിശ്വഹിന്ദു പരിഷത്ത് സംസ്ഥാന ജനറൽ സെക്രട്ടറി വി.ആർ. രാജശേഖരൻ ഉദ്ഘാടനം ചെയ്യും. സംഘാടക സമിതി രക്ഷാധികാരി ഡോ. ബി.ജി. ഗോകുലൻ അദ്ധ്യക്ഷത വഹിക്കും. കവിയൂർ ഗ്രാമപഞ്ചായത്ത്  പ്രസിഡണ്ട് എം.ഡി.ദിനേശ് കുമാർ മുഖ്യപ്രഭാഷണം നടത്തും . വിവിധ മേഖലകളിൽ പ്രാവീണ്യം തെളിയിച്ച ഡോ. അഭിജിത്ത് ആനന്ദ് (വൈദ്യം), കവിയൂർ സദാശിവൻ (വാദ്യകല), ഗ്രീഷ്മ  ജയകുമാർ ( വിദ്യാഭ്യാസം) സജുമോഹൻ, ഗോപി കുന്നക്കാട് (കർഷകർ) എന്നിവരെ ആദരിക്കും.

പുലർച്ചെ 5ന് മിഴിതുറക്കൽ, 5.30ന് അഷ്ടദ്രവ്യ മഹാഗണപതി ഹോമം, 8ന് പുരാണ പാരായണം  ഉച്ചയ്ക്ക്  1ന് മഹാപ്രസാദമൂട്ട് , വൈകിട്ട്  6ന് ഗണേശ വിഗ്രഹ പൂജയും തുടർന്ന് ദീപാരാധന, രാത്രി 8ന് ഭജനയും നടക്കും .

8ന് വൈകിട്ട് 6ന് ഗണേശ വിഗ്രഹ നിമഞ്ജന ഘോഷയാത്ര പലിപ്ര ദേവീക്ഷേത്രത്തിൽ നിന്ന് ആരംഭിച്ച് മനയ്ക്കച്ചിറ മണിമലയാറ്റിൽ ശ്രീനാരായണ കൺവെൻഷൻ നഗർ കടവിൽ നിമഞ്ജനം നടത്തും. ഇതിനോടനുബന്ധിച്ച് രാവിലെ 8മുതൽ പുരാണ പാരായണം , ഉച്ചയ്ക്ക് 1മുതൽ വിദ്യാർത്ഥികളുടെ കലാ കായിക മത്സരങ്ങൾ വൈകിട്ട് 5ന് വിനായക പൂജ എന്നിവയും നടക്കും.

ഡോ.ബി.ജി.ഗോകുലൻ, എം.പി. സോമനാഥപണിക്കർ, കെ.ജെ. ശശിധരൻ നായർ, കെ.സി.പ്രദീപ് ചന്ദ് (രക്ഷാധികാരികൾ) കെ.റ്റി. രാജേഷ് കുമാർ (പ്രസിഡണ്ട്) അനൂപ് പിള്ള (ജനറൽസെക്രട്ടറി), അഭിലാഷ്.വി.നായർ (ജനറൽ കൺവീനർ) മനോജ് പടിഞ്ഞാറ്റുംചേരി, സുനിൽ കച്ചിറമറ്റം (കൺവീനർമാർ)
അഖിൽ മോഹൻ , കെ.എൻ. വിജയൻ പിള്ള, പ്രേം കുമാർ, സരസമ്മ ശ്രീഭവൻ( വൈസ് പ്രസിഡന്റുമാർ) രമേശ് ബാബു, കെ.കെ.മനോജ് , ശ്രീജ കൃഷ്ണൻ, മനീഷ സുനിൽ ( ജോ.സെക്രട്ടറിമാർ) വിഷ്ണു ആര്യാട്ട് (ട്രഷറർ) രാഹുൽ ആർ ബാബു ( ജോ.ട്രഷർ)എന്നിവർ ഭാരവാഹികളായ സംഘാടകസമിതിയാണ് ആഘോഷങ്ങൾക്ക് നേതൃത്വം നൽകും. 

- Advertisment -

RELATED ARTICLES
Advertisment

- Advertisement -

വയലാറില്‍ ചെണ്ടുമല്ലി കൃഷി വിളവെടുത്തു

ആലപ്പുഴ : വയലാര്‍ ഗ്രാമപഞ്ചായത്തില്‍ ചെണ്ടുമല്ലി കൃഷി വിളവെടുപ്പ് മഹോത്സവം പഞ്ചായത്ത് പ്രസിഡന്റ് ഓമന ബാനര്‍ജി ഉദ്ഘാടനം ചെയ്തു. കൃഷിഭവന്റെ പരിധിയില്‍പ്പെട്ട പതിമൂന്നാം വാര്‍ഡിലെ കര്‍ഷകനായ കേശവീയത്തില്‍ സജീവ് കുമാറിന്റെ ചെണ്ടുമല്ലി കൃഷിയാണ്...

കണ്ണൂരിൽ നവജാത ശിശുവിനെ കിണറ്റിലെറിഞ്ഞ് കൊന്നത് 12-കാരി

കണ്ണൂർ : കണ്ണൂർ പാപ്പിനിശ്ശേരി പാറക്കലിൽ നാലുമാസം പ്രായമുള്ള കുഞ്ഞിനെ കിണറ്റിലെറിഞ്ഞ് കൊന്നത് 12-കാരിയെന്ന് പോലീസ് .കുഞ്ഞിന്റെ അച്ഛന്റെ സഹോദരന്റെ മകളാണ് 12-കാരി.തമിഴ്നാട് സ്വദേശിയായ മുത്തുവിന്റെയും അക്കമ്മയുടെയും കുഞ്ഞിനെയാണ് വാടക ക്വാർട്ടേഴ്സിനു സമീപത്തെ...
- Advertisment -

Most Popular

- Advertisement -