പത്തനംതിട്ട : ജില്ലയിലെ റേഷൻ കടകൾ ഇന്നു മുതൽ 4 ദിവസത്തേക്ക് തുറക്കില്ല. ഈ പോസ് മെഷിൻ അപ്ഡേറ്റ് ചെയ്യുന്നതിനാലാണ് ഇന്ന് റേഷൻ കടകൾ തുറക്കാത്തതെന്ന് താലൂക്ക് സപ്ളൈ ഓഫിസിൽ നിന്ന് അറിയിച്ചു. തിങ്കളും ചൊവ്വയും റേഷൻ കട ഉടമകളുടെ സംയുക്ത സമര സമിതിയും എഐടിയുസി യൂണിയനും ചേർന്ന് കട അടച്ച് സമരം നടത്തുകയാണ്.
കേരള സ്റ്റേറ്റ് റീട്ടെയിൽ റേഷൻ ഡീലേഴ്സ് അസോസിയേഷൻ,ഓൾ കേരള റീട്ടെയിൽ റേഷൻ ഡീലേഴ്സ് അസോസിയേഷൻ, കേരള റേഷൻ എംപ്ലോയീസ് യൂണിയൻ എന്നി സംഘടനകളാണ് വിവിധ ആവശ്യങ്ങൾ ഉന്നയിച്ചു രണ്ടു ദിവസം കടകളടച്ചു സമരം നടത്തുന്നത്.
