സഹോദരൻമാർക്ക് പാമ്പുകടിയേറ്റ വീട്ടിൽ വീണ്ടും ശംഖുവരയന്‍ ; പരിശോധനയുമായി വനംവകുപ്പ്

തൃശ്ശൂർ : ഉറങ്ങിക്കിടന്ന സഹോദരൻമാർക്ക് പാമ്പുകടിയേൽക്കുകയും ഒരാൾ മരിക്കുകയും ചെയ്ത വീട്ടിൽ വീണ്ടും പാമ്പിനെ കണ്ടെത്തി .കുട്ടികളെ ആക്രമിച്ച അതേയിനം ശംഖുവരയൻ പാമ്പിനെയാണ് കണ്ടെത്തിയത്.നേരത്തെ വനപാലകരെത്തി വീട്ടുപരിസരത്ത് പരിശോധന നടത്തിയിരുന്നു .പാമ്പുകള്‍ ഒളിഞ്ഞിരിക്കാനിടയുള്ള സ്ഥലങ്ങളില്‍ മണ്ണിളക്കി നോക്കുകയും പരിസരത്തെ പാഴ്‌ചെടികൾ നീക്കി തീയിടുകകയും ചെയ്തിരുന്നു.എന്നാല്‍ വീടിനുള്ളില്‍ നിന്ന് വീണ്ടും പാമ്പിനെ കണ്ടെത്തിയതിനെ തുടർന്ന് വനംവകുപ്പ് കൂടുതല്‍ ശാസ്ത്രീയമായ പരിശോധനകള്‍ക്ക് തയ്യാറെടുക്കുകയാണ്.