ചങ്ങനാശേരി : ഇടിമണ്ണിക്കൽ ജൂവലറി, ഇടിമണ്ണിക്കൽ എഡ്ജ് ഒപ്റ്റിക്കൽസ് എന്നീ സ്ഥാപനങ്ങളുടെ സാരഥിയും ബിസിനസ്സ് സംരംഭകനും ജീവകാരുണ്യ പ്രവർത്തകനും നേഷൻ ബിൽഡർ 2024 അവാർഡ് ജേതാവുമായ സണ്ണി ഇടിമണ്ണിക്കലിനെ ചങ്ങനാശ്ശേരി സർഗക്ഷേത്ര ആദരിച്ചു.
ആദായ നികുതി ചീഫ് കമ്മീഷ്ണർ (റിട്ട) ഷാജി പി. ജേക്കബ് ഉപഹാരം നൽകി. സർഗക്ഷേത്ര ഡയറക്ടർ ഫാ. അലക്സ് പ്രായിക്കളം പൊന്നാടയണിയിച്ചു. വർഗീസ് ആന്റണി, ജിജി കോട്ടപ്പുറം, സിബിച്ചൻ തരകൻ പറമ്പിൽ, ഷിബു മാത്യു പാലത്ര, ജോസ് ജോസഫ് നാടുവിലേഴം എന്നിവർ പ്രസംഗിച്ചു.
2007- ൽ റേഡിയോ മീഡിയ വില്ലേജിൽ ഫാദർ സെബാസ്റ്റ്യൻ പുന്നശേരിയുമായി തുടങ്ങിയ രോഗികളെ ജീവിതത്തിലേക്ക് കൊണ്ടുവന്ന തണൽ പ്രവർത്തനം സണ്ണി ഇടിമണ്ണിക്കലിൻ്റെ ദീർഘ വീക്ഷണമാണ് . മീഡിയ വില്ലേജും ഇടിമണ്ണിക്കൽ ജൂവലറിയുമായി കോർത്ത് കർഷകർക്ക് പ്രോത്സാഹനം നൽകുന്ന ജീവനം ട്രസ്റ്റ്, കാൻസർ രോഗികൾക്കുവണ്ടി ചങ്ങനാശേരി ലയൺസ്‌ ക്ലബ്ബിൽ തുടങ്ങിയ സ്വാന്തനം പദ്ധതി തുടങ്ങിയവയുടെ ആവിഷ്ക്കാരകനും സണ്ണി ഇടിമണ്ണിക്കലാണ്.
