ചങ്ങനാശേരി: ലയണ്‍സ് ക്ലബ് ജില്ലാ പ്രോജക്ടായ ‘ലയണ്‍സ് അക്വാ’ വാട്ടര്‍ പ്യൂരിഫയര്‍ പദ്ധതി ഗവണ്‍മെന്റ് എല്‍. പി. സ്‌കൂള്‍ പെരുന്നയിലും, സേവാ നികേതന്‍ ഹൃദയ നിവാസ് സ്‌പെഷ്യല്‍ സ്‌കൂള്‍ കുരിശുമ്മൂടിലും ഉദ്ഘാടനം ചെയ്തു.
ഗവണ്‍മെന്റ് എല്‍.പി. സ്‌കൂള്‍, പെരുന്നയിലെ പദ്ധതി ചങ്ങനാശ്ശേരി നഗരസഭ വൈസ് ചെയര്‍പേഴ്‌സണ്‍ നജിയ നൗഷാദ് ഉദ്ഘാടനം ചെയ്തു. സേവനികേതന്‍ സ്‌പെഷ്യല്‍ സ്‌കൂളിലെ പദ്ധതി മുനിസിപ്പല്‍ കൗണ്‍സിലര്‍ ശോഭന വിശ്വംഭരന്‍ ഉദ്ഘാടനം ചെയ്തു.
ഗവണ്‍മെന്റ് സ്‌കൂളില്‍ നടന്ന ചടങ്ങില്‍ ക്ലബ് പ്രസിഡന്റ് സതീഷ് സാബു, ട്രഷറര്‍ ചെറിയാന്‍ വര്‍ഗീസ്, ഹെഡ്മിസ്ട്രസ് ജെസ്സി ടീച്ചര്‍ എന്നിവര്‍ സംസാരിച്ചു.
സേവനികേതന്‍ സ്‌പെഷ്യല്‍ സ്‌കൂളില്‍ നടന്ന ചടങ്ങില്‍ പ്രസിഡന്റ് സതീഷ് സാബു, ട്രഷറര്‍ ചെറിയാന്‍ വര്‍ഗീസ്, പ്രിന്‍സിപ്പല്‍ സിസ്റ്റര്‍ ഫ്‌ലവര്‍, സിസ്റ്റര്‍ ആല്‍ബി എന്നിവര്‍ ആശംസകള്‍ അറിയിച്ചു.
