Saturday, November 21, 2026
No menu items!

subscribe-youtube-channel

HomeNewsപുതുവെളിച്ചം നൽകി...

പുതുവെളിച്ചം നൽകി കാൽനൂറ്റാണ്ട് പിന്നിട്ട് തിരുവല്ല റെഡ്‌ക്രോസ് സൊസൈറ്റി: കാഴ്ച നൽകിയത് 14680 രോഗികൾക്ക്

തിരുവല്ല: ഇന്ത്യൻ റെഡ് ക്രോസ് സൊസൈറ്റി തിരുവല്ല ഘടകം അതിന്റെ 27 വർഷം പൂർത്തീകരിക്കുമ്പോൾ നിർധനനായവർക്ക് പുതുവെളിച്ചം നൽകി മുന്നോട്ട്. സാമൂഹ്യ- ആതുരസേവന രംഗത്ത് നിരവധി ജീവകാരുണ്യ പ്രവർത്തനങ്ങൾക്ക് നേതൃത്വം നൽകിവരുന്ന റെഡ്‌ക്രോസ് സൊസൈറ്റി, കേരളത്തിലെ വിവിധ ജില്ലകളിൽ നിന്നെത്തുന്ന നിർധന നേത്രരോഗികളിൽ നിന്ന് ശസ്ത്രക്രിയക്ക് നിർദ്ദേശിച്ച 14680 രോഗികൾക്കാണ് കാഴ്ചയുടെ പുതിയ അനുഭവം നൽകിയത്. 99 ക്യാമ്പുകളിലൂടെയാണ് ഈ നേട്ടം.

തിരുനൽവേലി അരവിന്ദ് കണ്ണാശുപത്രിയുമായി സഹകരിച്ചാണ് സൗജന്യ നേത്രചികിത്സ നൽകുന്നത്. മാത്രമല്ല തിരുവല്ല താലൂക്ക് ആശുപത്രിയിൽ രോഗികൾക്കും കൂട്ടിരിപ്പുകാർക്കും സൗജന്യ ഉച്ചഭക്ഷണം, സൗജന്യ മെഡിക്കൽ ക്യാമ്പുകളും മരുന്നു വിതരണവും, നിർധനരായ വിദ്യാർത്ഥികൾക്ക് പഠന സഹായം, സൗജന്യ ആംബുലൻസ് സേവനം, സ്‌കൂളുകളിലും കോളജുകളിലും ലഗരിവിരുദ്ധ ബോധവത്കരണപ്രവർത്തനങ്ങൾ, സ്‌കൂൾ കുട്ടികൾക്കായി നീന്തൽ പരിശീലനം, വെള്ളപ്പൊക്ക ദുരിതാശ്വാസപ്രവർത്തനങ്ങൾ തുടങ്ങി നിരവധി സേവന പ്രവർത്തനങ്ങൾ 25 വർഷമായി സംഘടന നടത്തുന്നുണ്ട്.

തിരുവല്ലയിൽ സംഘടിപ്പിച്ച സംഘടനയുടെ നൂറാമത് സൗജന്യ നേത്രചികിത്സാ ക്യാമ്പു വർഗീസ് മാമ്മൻ എംഎൽഎ ഉദ്ഘാടനം ചെയ്തു. പത്തനംതിട്ട ജില്ലാ കളക്ടർ എ.നിസ്സാമുദീന്റെ അദ്ധ്യക്ഷത വഹിച്ചു. ഡോ.തോമസ് മാർ കൂറിലോസ് മെത്രാപ്പോലീത്താ, സ്വാമി ശ്രീമദ് നിർവിണാന്ദ ജി, മൗലവി ഡോ.അലി അൽ ഫൈസി എന്നിവർ അനുഗ്രഹ പ്രഭാഷണം നടത്തി.

സബ് കളക്ടർ പാർവ്വതി ഗോപകുമാർ, നഗരസദ അദ്ധ്യക്ഷ എസ്.ലേഖ, ബാബു കല്ലുങ്കൽ, സാമുവൽ ചെറയാൻ, കെ.പി.രമേശ്, പി.എം.അനീർ, ഷാജി തിരുവല്ല, ഡോ.സജി കുര്യൻ, ജെയിംസ്, തിരുനൽവേലി അരവിന്ദ് കണ്ണാശുപത്രിയിൽ നിന്നുള്ള ക്യാമ്പ് കോ ഓർഡിനേറ്റർ ഹേമചന്ദ്രൻ, ഡോ.ശ്രീധരൻ എന്നിവർ പ്രസംഗിച്ചു.

- Advertisment -

RELATED ARTICLES
Advertisment

Desham News

- Advertisement -

കുടുംബ ശ്രീ യോഗത്തിൽ വോട്ട് ചോദിക്കുന്നതിൽ തെറ്റില്ലെന്ന് -തോമസ് ഐസക്ക്

പത്തനംതിട്ട: കുടുംബശ്രീ യോഗം നടക്കുന്നുണ്ടെങ്കില്‍ അവിടെ സ്ഥാനാര്‍ഥി എന്ന നിലയില്‍ പോയി വോട്ടഭ്യര്‍ഥിക്കുന്നതില്‍ തെറ്റില്ലെന്ന് എല്‍.ഡി.എഫ്. സ്ഥാനാര്‍ഥി തോമസ് ഐസക്ക്. പെരുമാറ്റച്ചട്ട ലംഘന ആരോപണത്തിന് കളക്ടര്‍ വിശദീകരണം തേടിയതുമായി ബന്ധപ്പെട്ട് പ്രതികരിക്കുകയായിരുന്നു അദ്ദേഹം. കുടുംബശ്രീയുമായി...

തിരുവല്ല – മല്ലപ്പള്ളി – ചേലക്കൊമ്പ് റോഡ് പണികൾ പൂർത്തിയാക്കും: വർഗീസ് മാമ്മൻ

കവിയൂർ: തിരുവല്ല - മല്ലപ്പള്ളി- ചേലക്കൊമ്പ് റോഡിൻ്റെ പണികൾ വേഗത്തിൽ പൂർത്തിയാക്കാൻ മുൻഗണന നൽകുമെന്ന് നിയുക്ത തിരുവല്ല എംഎൽഎ അഡ്വ. വർഗീസ് മാമ്മൻ പറഞ്ഞു. കവിയൂർ, കുന്നന്താനം, മല്ലപ്പള്ളി, ആനിക്കാട് പഞ്ചായത്തുകളിലെ സ്വീകരണത്തിന്...
- Advertisment -

Most Popular

- Advertisement -