ഷൊയ്ബ് അക്തറിന്റെ സഹോദരന്റെ ശവസംസ്‌കാര ചടങ്ങിൽ പങ്കെടുത്ത് ലഷ്‌കർ ഭീകരർ

ഇസ്ലാമാബാദ് : മുൻ പാകിസ്ഥാൻ ക്രിക്കറ്റ് താരം ഷൊയ്ബ് അക്തറുടെ സഹോദരൻ ഷാഹിദ് അക്തറുടെ ഖബറടക്ക ചടങ്ങിൽ ലഷ്കർ-ഇ-തൊയ്ബ ഭീകരർ പങ്കെടുത്തതിന്റെ ദൃശ്യങ്ങൾ പുറത്തുവന്നു. മുംബൈ ഭീകരാക്രമണത്തിന്റെ മുഖ്യസൂത്രധാരനായ ഹാഫിസ് സയിദുമായി അടുത്ത ബന്ധമുള്ളവരും പാകിസ്ഥാൻ മാർകസി മുസ്ലിം ലീഗ് (PMML) നേതാക്കളും പ്രാർത്ഥനയിൽ പങ്കെടുത്തു. ഭീകരസംഘടനകൾക്ക് പാകിസ്ഥാനിൽ ലഭിക്കുന്ന സ്വീകാര്യതയാണ് ദൃശ്യങ്ങളിലൂടെ പുറത്തു വരുന്നത്.മൂന്ന് ദിവസം മുൻപാണ് ഹൃദയാഘാതത്തെ തുടർന്ന് ഷാഹിദ് അക്തർ മരിച്ചത്.