കൊല്ലം : കൊല്ലം പേരൂർ സർവീസ് സഹകരണ ബാങ്കിൽ ലോക്കറിൽ സൂക്ഷിച്ച 48 പവൻ സ്വർണം കാണാതായതിൽ ബാങ്കിന് മുന്നിൽ സമരവുമായി കുടുംബം. കഴിഞ്ഞ മാസം 27 നുണ്ടായ സംഭവത്തിൽ പരാതി നൽകിയിട്ടും പോലീസ് നടപടി നടപടി ഉണ്ടായില്ലെന്നാണ് ആരോപണം .
കോൺഗ്രസ്‌ നിയന്ത്രണത്തിലുള്ള കൊല്ലം പേരൂർ സർവീസ് സഹകരണ ബാങ്കിൽ 2013 മുതലാണ് പേരൂർ സ്വദേശിയായ ധന്യ ലോക്കറിൽ സ്വർണം വെച്ചത്.ഇക്കഴിഞ്ഞ ഏപ്രിൽ 27 ന് ബാങ്കിലെത്തി നോക്കുമ്പോൾ ലോക്കറിൽ സ്വർണമില്ലെന്നാണ് ധന്യയുടെ പരാതി. പോലീസിലും ബാങ്ക് അധികൃതർക്കും പരാതി നൽകിയിട്ടും നടപടി ഇല്ലെന്ന് ആരോപിച്ചാണ് യുവതി കുടുംബത്തോടൊപ്പം ബാങ്കിന് മുന്നിൽ സമരം ആരംഭിച്ചത്.പരാതിയിന്മേൽ അന്വേഷണം തുടരുകയാണ്.
