വയനാട് : അബ്കാരി കേസിൽ അറസ്റ്റിലായ റിപ്പോർട്ടർ ചാനൽ എംഡി ആന്‍റോ അഗസ്റ്റിന്‍റെ വാഴവറ്റയിലെ വീട്ടിലെ സിസിടിവി ദൃശ്യങ്ങൾ ബോധപൂർവം നശിപ്പിച്ചതായി എക്സൈസ് കണ്ടെത്തൽ.വീടിനു ചുറ്റും സ്ഥാപിച്ചിരുന്ന 22 സിസിടിവി ക്യാമറകളിലെയും ദൃശ്യങ്ങൾ പൂർണമായും മായ്ച്ചുകളഞ്ഞ നിലയിലാണ്.
ആന്‍റോ അഗസ്റ്റിനെ വീട്ടിൽ എത്തിച്ചു തെളിവെടുപ്പ് നടത്തിയതിനിടെയാണ് ദൃശ്യങ്ങൾ അടങ്ങിയ ഡിവിആർ എടുത്തു മാറ്റിയ നിലയിൽ കണ്ടെത്തിയത് .ചോദ്യം ചെയ്യലിൽ വീട് തന്റെ പേരിൽ അല്ലെന്നും വീട്ടിലുണ്ടായിരുന്ന മദ്യത്തെ കുറിച്ച് അറിയില്ലെന്നും ആന്‍റോ ആവർത്തിച്ചു. ആന്‍റോ അഗസ്റ്റിന്‍റെ ജാമ്യാപേക്ഷ നാളെ കോടതി പരിഗണിക്കും.
