വാഷിംഗ്‌ടൺ : ഇറാനിൽ തകർന്നു വീണ എഫ്–15 ഇ യുദ്ധവിമാനത്തിലെ കാണാതായ പൈലറ്റിനെ രക്ഷപ്പെടുത്തിയെന്ന് യുഎസ് പ്രസിഡന്റ് ഡോണൾഡ് ട്രംപ്.ധീരമായ നീക്കത്തിനൊടുവിൽ ഞങ്ങൾ അവനെ വീണ്ടെടുത്തുവെന്ന് ട്രംപ് ട്രൂത്ത് സോഷ്യൽ പോസ്റ്റ് ചെയ്തു.കഴിഞ്ഞ വെള്ളിയാഴ്ചയാണ് ഇറാന്‍റെ സൈനിക വിഭാഗമായ ഇസ്ലാമിക് റെവല്യൂഷണറി ഗാർഡ് കോർ (ഐആർജിസി) യുഎസ് യുദ്ധവിമാനം തകർത്തത്.പൈലറ്റിനെ അന്ന് തന്നെ രക്ഷപ്പെടുത്തിയെങ്കിലും സഹപൈലറ്റിനെ കാണാതായിരുന്നു.
പൈലറ്റിനെ കണ്ടെത്തുന്നവർക്ക് പാരിതോഷികം നൽകുമെന്ന് ഇറാൻ സർക്കാർ പ്രഖ്യാപിച്ചിരുന്നു യു എസ് സ്പെഷൽ ഓപ്പറേഷൻ വിഭാഗത്തിലെ നൂറുകണക്കിന് സൈനികർ ഇറാനിയൻ ഭൂപ്രദേശത്തിന്റെ ഉള്ളിലേക്ക് നുഴഞ്ഞു കയറി ഇറാൻ സൈന്യം പിടികൂടാതിരിക്കാൻ പർവതപ്രദേശങ്ങളിൽ ഒളിച്ചിരുന്ന പൈലറ്റിനെ കണ്ടെത്തി സുരക്ഷിതമായി പുറത്തെത്തിക്കുകയായിരുന്നു.
