ന്യൂഡല്‍ഹി : പട്നയില്‍ നിന്ന് ലക്നൗവിലേക്ക് പോയ ഇന്‍ഡിഗോ വിമാനത്തിന് 17,000 അടി ഉയരത്തില്‍ വച്ച് മിന്നലേറ്റു.ഇടിമിന്നലിൽ വിമാനത്തിന്റെ മുൻഭാഗത്തിന് കേടുപാടുകൾ സംഭവിച്ചു. പിന്നാലെ വിമാനം ലക്നൗവിൽ അടിയന്തരമായി ലാൻഡിങ് നടത്തി.
ഉച്ചയ്‌ക്ക് 3.10ന് പട്നയില്‍ നിന്ന് പുറപ്പെട്ട ഇന്‍ഡിഗോയുടെ 6E925 വിമാനത്തിനാണ് മിന്നലേറ്റത് .ലക്നൗവില്‍ എത്തുന്നതിനിടെയാണ് മിന്നലേറ്റത്.പൈലറ്റ് സാഹചര്യം വിദഗ്ദ്ധമായി കൈകാര്യം ചെയ്ത് വിമാനം നിശ്ചയിച്ച സമയത്തിനേക്കാൾ 8 മിനിറ്റ് മുൻപായി സുരക്ഷിതമായി ലക്നൗവില്‍ ലാൻഡിങ് നടത്തി.
