തൃശ്ശൂർ : പുലിക്കളിക്കെതിരെ പരിഹാസവുമായി നടൻ വി.കെ ശ്രീരാമൻ. കണ്ടാൽ ഓക്കാനം വരുന്ന കലാ വൈകൃതം എന്ന് പുലികളിയെ നടൻ വിമർശിച്ചു.പുലിക്കളി കലാകാരന്മാർ ചുവടുവയ്‌ക്കുന്ന ദൃശ്യങ്ങൾ പങ്കുവെച്ചുകൊണ്ടായിരുന്നു ഫേസ്ബുക്കിൽ ശ്രീരാമന്റെ പരാമർശം. പുരുഷന്മാരുടെ മാറും വയറും വളരുന്നത് രൂപവൈകൃതമാണെന്നും ഇത്തരം വൈകൃതത്തെ കലയ്‌ക്കായി ഉപയോഗിക്കുന്നത് ആഭാസമാണെന്നും വി.കെ ശ്രീരാമൻ കുറിച്ചു.
ശ്രീരാമന്റെ പോസ്റ്റിനെതിരെ വ്യാപക വിമർശനമാണ് ഉയർന്നത് .ശ്രീരാമൻ ഫേസ്ബുക്ക് പോസ്റ്റ് പിൻവലിച്ച് മാപ്പ് പറഞ്ഞില്ലെങ്കിൽ ശക്തമായ പ്രതിഷേധം സംഘടിപ്പിക്കുമെന്നും പുലിക്കളി സംഘങ്ങൾ അറിയിച്ചു. അതേസമയം, താൻ ഉന്നയിച്ച നിലപാടുകളിൽ ഉറച്ചുനിൽക്കുന്നതായി വി.കെ. ശ്രീരാമൻ വ്യക്തമാക്കി.
