വയനാട് : ദുരന്തബാധിതമായ വയനാട് മുണ്ടക്കൈ,ചൂരൽമല പ്രദേശങ്ങളിൽ ഇന്നു നടത്തിയ ജനകീയ തിരച്ചിലിൽ 4 മൃതദേഹങ്ങൾ കണ്ടെത്തി.സൂചിപ്പാറ-കാന്തന്‍പാറ ഭാഗത്ത് നിന്നാണ് മൂന്ന് മൃതദേഹങ്ങളും ഒരു ശരീര ഭാഗവും കണ്ടെത്തിയത്. ഉരുൾപ്പൊട്ടൽ ദുരന്തം നടന്ന് 11 ദിവസത്തിനു ശേഷമാണ് മൃതദേഹങ്ങൾ ലഭിക്കുന്നത്.മൃതദേഹങ്ങള്‍ എയർലിഫ്റ്റ് ചെയ്‌ത്‌ സുൽത്താൻ ബത്തേരിയിൽ എത്തിക്കും.
ഉരുൾപൊട്ടലുണ്ടായ പ്രദേശത്തെ 6 മേഖലകളാക്കി തിരിച്ചാണ് തെരച്ചിൽ നടത്തുന്നത്. ദുരിതാശ്വാസ ക്യാമ്പുകളിലും ബന്ധു വീടുകളിലും കഴിയുന്നവരെ കൂടി ഉൾപ്പെടുത്തിയുള്ള തെരച്ചിലാണ് ഇന്ന് നടത്തുന്നത്.
