തിരുവല്ല: എം സി റോഡിൽ കുറ്റൂർ പഞ്ചായത്ത് മുക്കിൽ ലോറിയും കാറും സ്കൂൾബസ്സും കൂട്ടിയിടിച്ച് ലോറി ഡ്രൈവർക്കും സഹായിക്കും പരിക്കേറ്റു. ഇന്ന് രാവിലെ 6.50 നായിരുന്നു അപകടം. തിരുവനന്തപുരത്തു നിന്നു എറണാകുളത്തേക്ക് പോയ സ്വകാര്യ കമ്പനിയുടെ പൈപ്പു കയറ്റി വന്ന ലോറിയും മുൻപെ പോയ സ്വിഫ്‌റ്റ് കാറും കൂട്ടിയിടിച്ചിട്ട്, തിരുവല്ലയിൽ നിന്നു കുറ്റുരേക്ക് വന്ന സ്കൂൾ ബസി ഇടിക്കുകയായിരുന്നു.
ഇതോടെ നിയന്ത്രണം തെറ്റിയ ലോറി എം.സി റോഡിൽ നിന്നും 50 മീറ്റർ ദൂരം മാറി പലചരക്ക് കടയിലേക്ക് ഇടിച്ചുകയറി കടകൾക്ക് നാശം ഉണ്ടായി. സംഭവത്തിൽ പരിക്കേറ്റ ഡ്രൈവറേയും സഹായിയേയും തിരുവല്ല താലൂക്ക് ആശുപത്രിയിൽ പ്രവേശിപ്പിച്ചു.
