കൊച്ചി : ചേരാനല്ലൂരിൽ പതിനേഴുകാരൻ കാറിടിപ്പിച്ച് സ്കൂട്ടർ യാത്രികനെ കൊലപ്പെടുത്തിയ സംഭവത്തിൽ പ്രതിയുടെ പിതാവായ ജഡ്ജിക്കെതിരെ കേസെടുത്തു. ഇരിങ്ങാലക്കുട മോട്ടർ ആക്സി‍ഡന്റ് ക്ലെയിംസ് ട്രിബ്യൂണൽ ചുമതലയുള്ള അഡീഷനൽ ജില്ലാ ജഡ്ജിയുടെ പേരിലാണ് അപകടമുണ്ടാക്കിയ ബെന്‍സ് കാര്‍.വിഷയത്തിൽ ഹൈക്കോടതി റിപ്പോർട്ട് തേടി.
പ്രതിയായ പതിനേഴുകാരൻ വാഹനമോടിച്ചിരുന്നത് മണിക്കൂറിൽ 100 കിലോമീറ്ററിനു മുകളിൽ വേഗതിയിലായിരുന്നുവെന്ന് തെളിവ് ലഭിച്ചിട്ടുണ്ട്. വാഹന ഉടമയ്‌ക്കെതിരെ നിയമനടപടി സ്വീകരിക്കുന്നതിൽ പോലീസ് തുടക്കത്തിൽ മടികാണിച്ചെന്ന ആരോപണമുണ്ടായിരുന്നു.മരിച്ച ജയപാലകൃഷ്ണന്റെ കുടുംബം ഉന്നയിച്ച ആരോപണങ്ങൾ അന്വേഷിക്കാൻ പ്രത്യേക അന്വേഷണ സംഘത്തെ രൂപവത്കരിക്കാനും തീരുമാനിച്ചിട്ടുണ്ട്
