തിരുവനന്തപുരം: ശ്രീപത്മനാഭസ്വാമി ക്ഷേത്രത്തിൽ ആടി കളഭത്തോടനുബന്ധിച്ചുളള ആടി പെരുന്തിരമൃതുപൂജ 18 ന് ക്ഷേത്ര തന്ത്രി തരണ നല്ലൂർ സതീശൻ നമ്പൂതിരിപ്പാടിന്റെ മുഖ്യകാർമ്മികത്വത്തിൽ നടക്കും . അന്നേ ദിവസം ഭഗവാന് കലശാഭിഷേകങ്ങളും, നെയ്യ് അഭിഷേകവും, തേൻ അഭിഷേകവും ഉണ്ടായിരിക്കുന്നതാണ്.
അഭിഷേകം ചെയ്യുന്ന തേൻ, നെയ്യ് എന്നീ പ്രസാദങ്ങൾ ഭക്തജനങ്ങൾക്ക്
ക്ഷേത്രത്തിന്റെ നാലു നടകളിലുമുളള കൗണ്ടറുകൾ വഴി ശീട്ടാക്കി വാങ്ങാവുന്നതാണ്.പുലർച്ചെ നിർമ്മാല്യദർശനം കഴിഞ്ഞ് രാവിലെ 06.30 മുതൽ 07.00 മണി വരെയും ശേഷം രാവിലെ 10.00 മണി മുതൽ 11.00 വരെ മാത്രമേ ഭക്തജനങ്ങൾക്ക് ദർശനം ഉണ്ടാകു.
വൈകിട്ട് 4.30 മുതൽ 6 മണി വരെ ദർശനവും തുടർന്ന് തന്ത്രിയുടെ മുഖ്യകാർമികത്വത്തിൽ ശ്രീഭൂതബലിയും 8.30 മണിയോടു കൂടി ശ്രീബലി എഴുന്നളളിപ്പും ഉണ്ടായിരിക്കും. ശീവേലിക്ക് ശേഷം ദർശനം ഉണ്ടായിരിക്കുന്നതല്ല.
