കോന്നി : കുമ്പഴ – കോന്നി റോഡിൽ പുളിമുക്ക് ജംക്ഷനിൽ കാറപകടം ഉണ്ടായി. ഇന്ന് ഉച്ചയ്ക്ക് കാറുകൾ തമ്മിൽ കൂട്ടിയിടിച്ചുണ്ടായ അപകടത്തിൽ കാർ ഡ്രൈവർ ഉൾപ്പെടെ 4 പേർക്ക് പരുക്കേറ്റു. ഇവരെ പത്തനംതിട്ടയിലെ സ്വകാര്യ ആശുപത്രിയിൽ പ്രവേശിപ്പിച്ചു.
കുമ്പഴ ഭാഗത്ത് നിന്ന് വന്ന കാർ ടിപ്പർ ലോറിയെ മറികടക്കുന്നതിനിടെ കോന്നിയിൽ നിന്ന് വന്ന കാറുമായി കൂട്ടിയിടിക്കുകയായിരുന്നു. ഉന്നത നിലവാരത്തിൽ നവീകരണം പൂർത്തിയായ പുനലൂർ – മൂവാറ്റുപുഴ റോഡിൽ കോന്നി മുതൽ റാന്നി വരെയുള്ള ഭാഗങ്ങളിൽ മഴ സമയങ്ങളിൽ അപകടങ്ങൾ പതിവായിരിക്കുകയാണെന്ന് നാട്ടുകാർ ആരോചിച്ചു
