ആലപ്പുഴ: വിദ്യാധിരാജ ചട്ടമ്പിസ്വാമിയുടെ 101-ാമത് സമാധി വാർഷികം വിവിധ പരിപാടികളോടെ 28 മുതൽ 29 വരെ ആലപ്പുഴ വള്ളികുന്നം കാമ്പിശ്ശേരിയിൽ നടക്കും. വിദ്യാധിരാജ ഇൻറർനാഷണൽ സംഘടിപ്പിക്കുന്ന പരിപാടിയിൽ ഉയർത്താനുള്ള പതാക ചട്ടമ്പിസ്വാമിയുടെ കണ്ണമ്മൂലയിലെ ജന്മക്ഷേത്രത്തിൽനിന്ന് 22-ന് രാവിലെ 9-ന് തീർത്ഥാടന ഘോഷയാത്രയ്ക്കു കൈമാറും.
തിരുവനന്തപുരം, കൊല്ലം, ആലപ്പുഴ ജില്ലകളിൽ അയ്യാഗുരു, ശ്രീനാരായണ ഗുരു, നീലകണ്ഠ തീർത്ഥപാദർ, തീർത്ഥപാദ പരമഹംസർ, സദാനന്ദ സ്വാമി, ആത്മയോഗിനി അമ്മ, അയ്യങ്കാളി, കൊല്ലത്തമ്മ, സ്വയംപ്രകാശയോഗിനി അമ്മ, ചിന്നമ്മ അമ്മ, അഭേദാനന്ദ സ്വാമി, ചിന്മയാനന്ദസ്വാമി തുടങ്ങിയ നവോത്ഥാനനായകരുമായി ബന്ധപ്പെട്ട സ്ഥലങ്ങളിൽ ഘോഷയാത്ര പര്യടനംനടത്തും. പന്മന സമാധിക്ഷേത്രത്തിൽ നിന്ന് ജ്യോതി സ്വീകരിക്കും.
വിദ്യാധിരാജപുരത്ത് 29-ന് വൈകീട്ട് ഘോഷയാത്ര സമാപിക്കും.
