തിരുവനന്തപുരം : ഈ കഴിഞ്ഞ ശബരിമല തീർത്ഥാടന കാലത്ത് സന്നിധാനത്ത് നിയോഗിച്ചിരുന്ന ദിവസ വേതനക്കാർ പല തവണയായി ലക്ഷങ്ങള് വീട്ടിലേക്ക് അയച്ചതായി ദേവസ്വം വിജിലൻസ് കണ്ടെത്തി. എല്ലാ ദിവസവേതനക്കാരുടെയും മുഴുവൻ അക്കൗണ്ട് വിവരങ്ങളും പരിശോധിക്കുകയാണ് വിജിലൻസ് തീരുമാനം.
സന്നിധാനത്തെ രണ്ട് ബാങ്കും പോസ്റ്റ് ഓഫീസ് വഴിയും ജീവനക്കാർ ദിവസവും പണം അയച്ചിട്ടുണ്ട്. ദിവസവേതനക്കാർക്കുള്ള പണം സീസണ് കഴിഞ്ഞ് അക്കൗണ്ടിലേക്ക് നേരിട്ടാണ് ദേവസ്വം നല്കുന്നതാണ് പതിവ്. അതിനു മുൻപുതന്നെ വലിയ തുക അയച്ചെങ്കില് അത് അനധികൃത സമ്പാദ്യമെന്നാണ് വിജിലൻസ് കണ്ടെത്തിയത്. സംഭവത്തില് ദേവസ്വം വിജിലൻസ് അന്വേഷണം തുടങ്ങി.
