പത്തനംതിട്ട : വീട്ടിലെ ലിഫ്റ്റിൽ തല കുടുങ്ങി വയോധികന് ദാരുണാന്ത്യം. പത്തനംതിട്ട കടമ്മനിട്ട കല്ലേലുമുക്കിൽ മാത്തുക്കുട്ടി (75)യാണ് മരിച്ചത്. ശാരീരിക പരിമിതിയുള്ള മാത്തുക്കുട്ടി വീടിന് പുറത്തേക്ക് ഇറങ്ങുന്നതിനായി വീടിന് പുറത്ത് സ്ഥാപിച്ചിട്ടുള്ള ലിഫ്റ്റ് ഉപയോഗിക്കുന്നതിനിടെയായിരുന്നു അപകടം. കെഎസ്ആർടിസി റിട്ടയേർഡ് ജീവനക്കാരനാണ്.
മക്കൾ വിദേശത്തായതിനാൽ മാത്തുക്കുട്ടിയും ഭാര്യയും മാത്രമാണ് വീട്ടിൽ താമസിച്ചിരുന്നത്. ശാരീരിക പരിമിതിയുള്ള മാത്തുക്കുട്ടിയുടെ സൗകര്യം കണക്കിലെടുത്തായിരുന്നു റോഡിൽ നിന്ന് വീട്ടിലേക്ക് എത്തുന്നതിനായി വീടിന് പുറത്ത് പ്രത്യേക രീതിയിലുള്ള ലിഫ്റ്റ് സ്ഥാപിച്ചിരുന്നത്. വൈദ്യുതി വിതരണം തടസ്സപ്പെട്ടതിനെ തുടർന്ന് ലിഫ്റ്റ് പെട്ടെന്ന് നിലച്ചപ്പോൾ മാത്തുക്കുട്ടിയുടെ തല കുടുങ്ങുകയായിരുന്നുവെന്നാണ് നിഗമനം .ഫയർഫോഴ്സ് എത്തിയാണ് ഇദ്ദേഹത്തെ പുറത്തെടുത്ത് ആശുപത്രിയിലെത്തിച്ചത്.
യാണ് മരിച്ചത്. ശാരീരിക){kind=link}