Saturday, June 21, 2025
No menu items!

subscribe-youtube-channel

HomeNewsപത്തനംതിട്ട ജില്ലാ...

പത്തനംതിട്ട ജില്ലാ വിദ്യാഭ്യാസ ഓഫീസിലെ ഫ്യൂസ് ഊരി കെഎസ്ഇബി

പത്തനംതിട്ട : വൈദ്യുതി കുടിശ്ശിക ഏറിയതോടെ പത്തനംതിട്ട ജില്ലാ വിദ്യാഭ്യാസ ഓഫീസിലെ ഫ്യൂസ് ഊരി കെഎസ്ഇബി. എട്ടു മാസത്തെ കുടിശ്ശികയായി അറുപത്തി നാലായിരത്തി ഇരുന്നൂറ്റി എഴുപത്തിഒന്ന് രൂപയാണ് ( 64,271 ) പത്തനംതിട്ട ജില്ലാ വിദ്യാഭ്യാസ ഓഫീസിൽ നിന്നും അടയ്ക്കാനുളളത്. വൈദ്യുതി വിച്ഛേദിച്ചത്തോടെ ഓഫീസിന്റെ പ്രവർത്തനവും അവതാളത്തിലായി.

മുൻപുള്ള മാസങ്ങളിൽ സ്വർണ്ണം പണയം വച്ച് വരെ കെഎസ്ഇബിയുടെ ബിൽ തുക പത്തനംതിട്ട ഡിഇഒ അടച്ചിട്ടുണ്ടെന്നാണ് പറയുന്നത്. തുടർന്ന് വകുപ്പിൽ നിന്ന് തന്നെ പണം നൽകാതെ പറ്റില്ലെന്നുളള നിലപാട് സ്വീകരിച്ചു. ഇതോടെ എട്ടു മാസത്തെ  വൈദ്യുതി ബിൽ തുക കുടിശ്ശികയായി. തുക അടയ്ക്കാതായതോടെ ഇന്ന് രാവിലെ കെഎസ്ഇബി ജീവനക്കാരെത്തി ജില്ലാ വിദ്യാഭ്യാസ ഓഫീസിലെ ഫ്യൂസ് ഊരി മാറ്റുകയായിരുന്നു. വേനൽ ചൂട് കടുത്ത ഈ സമയത്ത് വൈദ്യുതി ലഭിക്കാതായതോടെ ജീവനക്കാർക്ക് ഓഫീസിനുള്ളിലിരുന്ന് ജോലി ചെയ്യാൻ പറ്റാത്ത അവസ്ഥയായി.

108 സ്കൂളുകളുടെ പ്രവർത്തന മേൽനോട്ടം വഹിക്കുന്ന ഓഫീസിലെ വൈദ്യുതിയാണ് വിച്ഛേദിച്ചത്. ഇതോടെ സ്കൂളുകളുമായി ബന്ധപ്പെട്ട ജോലികളും അവതാളത്തിലായി.  ജില്ലാ വിദ്യാഭ്യാസ ഓഫീസും ഉപജില്ലാ വിദ്യാഭ്യാസ ഓഫീസും ഈ കെട്ടിടത്തിലാണ് പ്രവർത്തിക്കുന്നത്.  ബന്ധപ്പെട്ടവർ എത്രയും വേഗം പ്രശ്നം പരിഹരിക്കണമെന്നാണ് ജീവനക്കാരുടെ ആവശ്യം.

- Advertisment -

RELATED ARTICLES
Advertisment

- Advertisement -

ഗാർഹിക പീഡന പരാതിയുമായി എത്തുന്നവർക്ക് തുടർപിന്തുണ ഉറപ്പാക്കുന്നതിന് പ്രത്യേക സെൽ

തിരുവനന്തപുരം : ഗാർഹിക പീഡന പരാതിയുമായി എത്തുന്ന പെൺകുട്ടികളുടേയും സ്ത്രീകളുടേയും തുടർപിന്തുണ ഉറപ്പാക്കുന്നതിന് പ്രത്യേക സെൽ രൂപീകരിക്കുമെന്ന് ആരോഗ്യ വനിത ശിശുവികസന വകുപ്പ് മന്ത്രി വീണാ ജോർജ്. ഇവർക്ക് ആത്മവിശ്വാസം ഉണ്ടാകുന്ന തരത്തിലുള്ള...

മറവിരോഗം ബാധിച്ച കിടപ്പുരോഗിയെ  മർദ്ദിച്ച സംഭവത്തിൽ ഹോം നഴ്‌സ്‌ അറസ്റ്റിൽ

പത്തനംതിട്ട: അൽഷിമേഴ്സ് ബാധിതനും കിടപ്പുരോഗിയുമായ വയോധികനെ ക്രൂരമായി മർദ്ദിച്ച് നഗ്നനാക്കി തറയിലൂടെ വലിച്ചിഴച്ച ഹോം നേഴ്സിനെ കൊടുമൺ പോലീസ് പിടികൂടി. കൊല്ലം വിളക്കുടി കുന്നിക്കോട് ഭാസ്കര വിലാസത്തിൽ വിഷ്ണു(37) ആണ് അറസ്റ്റിലായത്. പന്തളം തെക്കേക്കര...
- Advertisment -

Most Popular

- Advertisement -