ഗവി കൊലപാതകം : യുവതി ക്രൂരമർദനത്തിന് ഇരയായെന്ന് പോസ്റ്റുമോർട്ടം റിപ്പോർട്ട്

പത്തനംതിട്ട : ഗവി മീനാറിൽ അങ്കണവാടി ജീവനക്കാരി മേനക (30) കൊല്ലപ്പെട്ടത് ക്രൂര മർദനം മൂലമെന്ന് പോസ്റ്റ്മോർട്ടം റിപ്പോർട്ട് .മേനക അങ്കണവാടിയിലേക്കു നടന്നു പോകവെ പ്രതി വിനോദ് പിന്നാലെയെത്തി കല്ലുകൊണ്ട് തലയ്ക്കടിച്ച ശേഷം കഴുത്തിൽ പിടിച്ചു തോട്ടിലെ വെള്ളത്തിൽ മുക്കി ശ്വാസംമുട്ടിച്ചു കൊന്നെന്നാണു നിഗമനം.ഇവരുടെ ആന്തരികാവയങ്ങൾ വിദഗ്‌ധ പരിശോധനയ്‌ക്കായി തിരുവനന്തപുരം ഫൊറൻസിക്‌ ലാബിലേക്ക്‌ അയച്ചു.പ്രതിയെ റാന്നി കോടതി 14 ദിവസത്തേക്ക് റിമാൻഡ്‌ ചെയ്‌തിരിക്കുകയാണ്.