വയനാട് : വയനാട് കല്ലൂരില്‍ കാട്ടാന ആക്രമണത്തില്‍ ഒരാൾ മരിച്ച സംഭവത്തില്‍ നഷ്ടപരിഹാരം ആവശ്യപ്പെട്ട് പ്രതിഷേധം.വയനാട് കല്ലൂർ മാറോട് ഊരിലെ രാജുവാണു കൊല്ലപ്പെട്ടത്. മരിച്ച രാജുവിന്റെ മൃതദേഹവുമായാണ് ദേശീയപാത ഉപരോധിച്ച് കല്ലൂരില്‍ നാട്ടുകാര്‍ പ്രതിഷേധിച്ചത്. രാജുവിന്റെ വീട് സന്ദര്‍ശിച്ച ശേഷം സ്ഥലത്തെത്തിയ മന്ത്രി ഒ.ആര്‍. കേളുവിനെ നാട്ടുകാര്‍ വഴിയില്‍ തടഞ്ഞു.
കഴിഞ്ഞ ഞായറാഴ്ചയാണ് കാട്ടാനയുടെ ആക്രമത്തിൽ രാജുവിന് പരുക്കേറ്റത്. ചികിത്സയിലിരിക്കെ ഇന്നലെ വൈകിട്ട് മരിക്കുകയായിരുന്നു.രാജുവിന്റെ കുടുംബത്തിന് അന്‍പതുലക്ഷം രൂപ സഹായധനം, ആശ്രിതര്‍ക്ക് ജോലി എന്നിവയാണ് പ്രതിഷേധക്കാരുടെ ആവശ്യം.
