തിരുവനന്തപുരം : ശബരിമല തീര്‍ത്ഥാടകര്‍ക്ക് ഇന്‍ഷുറന്‍സ് പരിരക്ഷ ഏര്‍പ്പെടുത്തി തിരുവിതാംകൂര്‍ ദേവസ്വം ബോര്‍ഡ്. എല്‍ഐ സിയുമായി സഹകരിച്ചാണ് പദ്ധതി നടപ്പിലാക്കുക. തീര്‍ത്ഥാടനത്തിനിടെ മരണപ്പെടുന്നവര്‍ക്ക് രണ്ട് ലക്ഷം രൂപ ഇന്‍ഷുറന്‍സ് തുക ലഭിക്കും. വെര്‍ച്വല്‍ ക്യൂ, സ്‌പോട്ട് ബുക്കിങ് എന്നിവ വഴി ദര്‍ശനത്തിന് എത്തുന്ന തീര്‍ത്ഥാടകര്‍ക്കാണ് ഈ ആനുകൂല്യംലഭിക്കുകയെന്ന് ദേവസ്വം ബോര്‍ഡ് അധികൃതർ അറിയിച്ചു.
ശബരിമലയില്‍ അയ്യപ്പ ദര്‍ശനത്തിന് എത്തുന്നവരാണെന്ന് ബോധ്യമായാല്‍ വെര്‍ച്വല്‍ ക്യൂവിന് പുറത്തുള്ളവര്‍ക്കും ഇന്‍ഷുറന്‍സ് സുരക്ഷ ലഭ്യമാക്കും. നോമിനിയുടെ വിവരങ്ങള്‍ ബുക്കിങ് സമയത്ത് ശേഖരിക്കും. തീര്‍ത്ഥാടകര്‍ ശബരിമലയില്‍ എത്തുന്നതിന്റെ തലേദിവസം മുതല്‍ മൂന്ന് ദിവസത്തേയ്‌ക്കായിരിക്കും ഇന്‍ഷുറന്‍സ്പരിരക്ഷ ലഭിക്കുക.
