കോട്ടയത്ത് വൻ കവർച്ച ; വയോധികയും മകളും താമസിക്കുന്ന വീട്ടിൽനിന്ന് 50 പവനും പണവും നഷ്ടമായി

കോട്ടയം : കോട്ടയം കഞ്ഞിക്കുഴിയിൽ വയോധികയും മകളും താമസിക്കുന്ന വില്ലയിൽ വൻ കവർച്ച.50 പവനും പണവുമാണ് കവർന്നത്. അമ്പുങ്കയത്ത് വീട്ടിൽ അന്നമ്മ തോമസ്, മകൾ സ്നേഹ ഫിലിപ്പ് എന്നിവർ ഇന്നലെ രാത്രിയിൽ ആശുപത്രിയിൽ പോയിരുന്ന സമയത്താണ് കവർച്ച നടന്നത്. പുലർച്ചെ ആറുമണിയോടെ ഇവർ തിരിച്ചെത്തിയപ്പോഴാണ് മോഷണ വിവരം അറിഞ്ഞത്. വാതിൽ പൊളിച്ച് അകത്ത് കയറിയ മോഷ്ടാവ് മുറിയിലെ സ്റ്റീൽ അലമാരയിൽ സൂക്ഷിച്ചിരുന്ന സ്വർണമാണ് കവർന്നത്. പൊലീസ് സംഘം സ്ഥലത്ത് എത്തി പരിശോധന നടത്തി.